5.8 C
Prizren
E premte, 7 Tetor, 2022

Zgjedhjet lokale mbahen më 17 tetor

Zgjedhjet lokale do të mbahen në vjeshtë të këtij viti, ndërsa Telegrafi merr vesh se ato do të mbahen më 17 tetor.

Partitë politike tashmë kanë nisur përgatitjet për zgjedhjet lokale, ndërsa ditë më parë presidentja ka nisur konsultimet me partitë politike për datën e zgjedhjeve.

Telegrafi merr vesh se tashmë është caktuar data e zgjedhjeve lokale dhe ajo është 17 tetori.

Presidentja e Kosovës, Vjosa Osmani javë më parë ka përfunduar takimet me subjektet politike parlamentare, ku është diskutuar për datën e zgjedhjeve lokale.

Në takime ndaras, Osmani ka takuar kryetarin e Lëvizjes Vetëvendosje, Albin Kurti, u.d. kryetarin e PDK-së, Enver Hoxhaj, kryetarin e LDK-së, Lumir Abdixhiku, përfaqësuesin AAK-së, Besnik Tahiri, kryetarin e Listës Serbe, Goran Rakiq si dhe me partitë e komuniteteve joshumicë: Vakat, RI, PAI, KDTP, IRDK, SDU, NDS, JGP dhe LPRK.

Lëvizja Vetëvendosjes përmes një komunikate të lëshuar për media ka bërë të ditur se kreu i partisë, Albin Kurti ka kërkuar qe? data për zgjedhjet lokale te? caktohet sa me? shpejt e ato te? mbahen sa me? pare?.

Lidhja Demokratike e Kosovës dhe Partia Demokratike e Kosovës kanë kërkuar që data 31 tetor të shpallet ditë e zgjedhjeve lokale.

Ndërkaq, shefi i Grupit Parlamentar i Aleancës për Ardhmërinë e Kosovës, Besnik Tahiri, ka thënë se kjo parti nuk ka pasur preferenca datash sa i përket mbajtjes së zgjedhjeve lokale.

Ndryshe, ditë më parë në një konferencë për media u tha se Komisioni Qendror i Zgjedhje është gati për të organizuar zgjedhjet lokale që do të mbahen në vjeshtën e këtij viti.

Organizimi i tyre pritet t’i kushtojë buxhetit të shtetit rreth 7.5 milionë euro, ku në këtë shumë është përfshirë edhe balotazhi në të gjitha komunat e vendit. /Telegrafi/

Më Shumë

Veliaj e pret në takim Smajl Latifin, pajtohen për bashkëpunim të dyanshëm

Kryetari i Rahovecit, Smajl Latifi, është pritur në takim nga kryebashkiaku i Tiranës, Erion Veliaj. Latifi ka treguar se në këtë takim u pajtuan për...

Punime në rrjet/ Këto vende në Prizren nuk do të kenë rrymë nesër

06.10.2022 Punime të domosdoshme për siguri të sistemit Prizren 1. Nga TS 35/10 kV Pirana do të ndërprehet: Dalja 10 kV Dalja e Krushes (kodi: 30034011) prej orës 10:00...

Lajmet e Fundit