Vetëm edhe një vit i ka mbetur kohë Kosovës që të zhdukë analfabetizmin klasik, i cili parashihet me rezolutën e nënshkruar qysh në vitin 2008 në Kuvendin e Kosovës.
Përmes saj, institucionet shtetërore janë obliguar që të respektojnë objektivat e Mijëvjeçarit të ri të Organizatës së Kombeve të Bashkuara (OKB), që parashohin zhdukjen e analfabetizmit klasik dhe minimizimin e analfabetizmit funksional.
Rezultatet përfundimtare të regjistrimit të popullsisë, të publikuara vitin e kaluar kanë treguar se 55 mijë qytetarë të Kosovës janë analfabetë të plotë, që nuk dinë shkrim dhe lexim, derisa analfabetë funksionalë që dinë shkrim dhe lexim, por nuk janë në gjendje ta kuptojnë atë që e shkruajnë, janë 82 mijë 188 persona