Një vjedhje e pazakontë ka ndodhur në një banesë në Fier. Vëllai, i cili kishte shkuar për vizitë te motra e tij, e martuar, i ka vjedhur një sasi eurosh dhe është larguar qetë-qetë. Pas konstatimit, motra ka denoncuar dhe nga kontrolli në banesën e vëllait hajdut, policia “i ka hapur” probleme të tjera, sepse i gjeti dhe i bllokoi fishekë e kanabis.
Drejtoria Vendore e Policisë Fier – Seksioni për narkotikët
Më datë 06. 08. 2018, u referuan materialet në Prokurorinë pranë Gjykatës së Shkallë së Parë Fier, për shtetasin G. Ç., vjeç 32, banues në Fier, pasi i ka vjedhur në banesë një sasi eurosh motrës së tij, shtetases A. Gj. vjeçe 29, banuese në Fier. Nga kontrolli i ushtruar në banesën e tij, iu gjetën e iu sekuestruan në cilësinë e provës materiale disa fishekë dhe 4.3 gr., bimë e dyshuar narkotike e llojit Cannabis Sativa. Nenet 283/1, 134 dhe 278/2 të Kodit Penal.