Sot do të mbajë mot i vranët, do të ketë edhe intervale kohore me diell.
Temperaturat minimale do të lëvizin ndërmjet -8 deri në -5 gradë Celsius.
Ndërsa maksimalet e ditës parashihen të lëvizin ndërmjet -2 deri në 1 gardë Celsius.
Instituti Hidrometeorologjik i Kosovës gjithashtu bëri të ditur se do të fryjë erë e lehtë në drejtime të ndryshme.
Gjatë vizitës në vreshtat e Rahovecit, Peci tha se njëra prej risive të programit të vitit 2024 do të jetë orientimi në masën më të madhe të realizuar ndonjëherë në përkrahjen e pagesave mbi bazën e rendimentit.
“Njëra prej risive të programit të vitit 2024 do të jetë orientimi në masën më të madhe të realizuar ndonjëherë në përkrahjen e pagesave mbi bazën e rendimentit. Rendimenti do te jetë i orientuar edhe në kulturën e grurit që nënkupton për shkak se është një produkt edhe në interesin racional po që paraqet edhe pjesë të sigurisë kombëtare për vendin tonë. Për herë të parë do të orientojmë një pjesë do të vazhdojë përkrahja për sipërfaqe për kulturën e vreshtave, por njëkohësisht do të kemi edhe mbi bazën e rendimentit për vreshtat e Rahovecit dhe Kosovës”, u shpreh Peci.
Ai shpjegoi se kjo nuk do të vlejë për rrushin e tryezës.
Rektori i Universitetit, Prof. Asoc. Dr. Mentor Alishani, në fjalën e tij para të pranishmëve e vlerësoi lartë figurën e profesorit Cena, i cili njëkohësisht e kishte edhe profilin e eprorit të Ushtrisë Çlirimtare të Kosovës. Rektori Alishani theksoi se, edhe pse nuk e ka njohur personalisht, shpesh kujtohet ai nga kolegët e tij mësimdhënës të Universitetit dhe se ka arritur ta njoh përmes veprës dhe kontributit të tij të çmuar me vepra, që i ka mbetur trashëgim brezave të ardhshëm.
Dekani i Fakultetit të Filologjisë, Prof. Asoc. Dr. Xhafer Beqiraj, theksoi se Profesor Cena nuk ishte thjesht një pedagog, por një misionar i arsimit, një udhëheqës i pasionuar dhe një frymëzues i vërtetë për brezat e rinj. “Ai nuk kufizohej vetëm në sallat e mësimit, por shtrihej edhe në rolin e hulumtuesit e shkencëtarit. Me karrierën e tij të pasur, prof. dr. Sabahajdin Cena nuk është thjesht një emër në historinë e arsimit shqiptar, por një dritare që na tregon se si dija, guximi dhe përkushtimi mund të ndikojnë thellë në shoqëri dhe në formimin e brezave të rinj.”, theksoi Dekani Beqiraj.
Prof. Asoc. Dr. Flamur Shala, kryetar i këshillit organizativ të Akademisë Përkujtimore theksoi se Profesor Sabahajdin Cena ishte intelektual, atdhetar, studiues e profesor e luftëtar, kronikan i betejave luftarake, orator i zoti me fjalime motivuese atdhetare në luftë, orator i zjarrtë nëpër manifestime, tubime përkujtimore, tribuna shkencore, përherë. “Ishte frymëzues për të krijuar e për të luftuar për më të mirën, për të ardhmen. Ai konsideronte se përherë ka një të tashme që të shtyn të punosh për të ardhmen. Pjesë e rëndësishme e së tashmes është kujtesa. Pa kujtesë nuk ka të ardhme”, theksoi profesor Shala.
Prof. Asoc. Dr. Vjollca Dibra, ish-asistente në lëndët që ka mbajtur profesori i ndjerë, e kujtoi bashkëpunimin e tij me emocione.
“Çdo kujtim, a rikujtim, në të vërtetë, s’është veçse një seancë përshpirtjeje, një takim spiritual me ata që më s’janë, me ata që shkuan në botën e përjetshme. Nganjëherë mendoj se fjalët vërtet janë të pafuqishme për të dhënë profilin tënd. Ti s’je më midis nesh në kuptimin fizik, por do të jesh përherë me ne e në ne me mirësinë tende, shpirti yt është një dritë që do të na udhëheqë gjithmonë. Prandaj e kujtojmë, prandaj e rikujtojmë, prandaj e përkujtojmë. Qoftë i përjetshëm kujtimi për të!”, u shpreh e emocionuar prof. Dibra.
Ndërkaq, kryetari i komunës së Rahovecit, theksoi se profesori Cena shkroi shumë artikuj shkencor, botime e kronika, për të gjallët e të vdekurit, duke na lënë një trashëgimi të pasur kombëtare. Arkivi i tij përbëhet nga aq shumë dosje e artikuj, sa që do të duhet kohë e ekipe hulumtuesish për t’i analizuar e sistemuar. Ishte “enciklopedi në lëvizje”, prandaj boshllëku që ka lënë është e zorshme të përmbushet.
Duke qenë i tillë, Profesor doktor Sabahajdin Cena u bë sinonim i njeriut të angazhuar në shkencë, sinonim i njeriut të odave të burrave, i njeriut të përkushtuar në profesionin e edukatorit të brezave, i njeriut që i kishte hije vendi e kuvendi, i njeriut që në kohën kur u dha kushtrimi i lirisë u bë një me Ushtrinë Çlirimtare të Kosovës dhe u bë kronisti e historiani i luftës dhe i qëndresës së luftëtarëve të lirisë dhe popullit shqiptar.
“E njihte Atdheun cep më cep. Thënë me pak fjalë – ishte arkiv i gjallë i luftës çlirimtare dhe i pasluftës. Dhe ai dinte ta gdhendte fjalën e ta nxirrte të duhurën për secilin dëshmor, për secilën betejë e përpjekje, për secilën zemër të lënduar nëne, babai, motre, gruaje, djali apo vajze të të rënëve. Ua shëronte plagët e shpirtit duke i ngushëlluar me fjalët më të zgjedhura, “bijtë tuaj nuk ju kanë koritur, prandaj mbajeni kokën lart”, u thoshte Profa. Ashtu siç e thoshte shpesh edhe vetë; “fundi stolis veprat”. Këtë mesazh e kam edhe unë për familjarët e Profës, për shokët e bashkëpunëtorët e tij të shumtë: krenohuni me punën, përkushtimin, luftën dhe bëmat e profesorit tonë të nderuar Prof. dr. Sabahajdin Cena, emri i të cilit do të jetojë edhe përtej jetëve tona të shkurtra”, theksoi Latifi.
Alfredi, djali i profesorit të ndjerë, u shpreh mirënjohës për Universitetin “Ukshin Hoti” për kujtimin e jetës dhe veprës së profesorit Sabahajdin Cenës, në njëvjetorin e shkuarjes në amshim.
Deputeti i VV-së, Artan Abrashi, ka bërë me dije se numri i raketave “Javelin” të porositura nga Kosova përkon me numrin zyrtar të tankeve të Serbisë.
Në profilin e tij në “Facebook”, ai ka shkruar se kjo porosi e ushtrisë së Kosovës është investimi për sigurinë dhe paqen në rajon.
“Numri 246 i raketave të porositura anti tank të llojit Javalin përkon me numrin zyrtar të deklaruar të tankeve M84 dhe T-72B1MS të Serbisë. Për çdo tank nga një Javalin. Kjo porosi e Ushtrisë së Kosovës është investimi më i mirë në sigurinë dhe paqen e rajonit deri më tani”, ka shkruar Abrashi.
Policia e Kosovës ka kërkuar ndihmë nga qytetarët për identifikimin e një personi në Prizren, i cili dyshohet për ngacmim seksual.
Policia ka publikuar fotografinë e tij, duke kërkuar bashkëpunim nga qytetarët.
“Vepra penale ka ndodhur me datën 29.11.2023 rreth orës 00:00 në “Rrugën e Shkronjave”, saktësisht në ashensorin e ndërtesave “Fat grup” në Prizren. Nga video regjistrimet nga kamerat e sigurisë është siguruar fotografi të dyshuarit , mirëpo deri tani nuk është rezultuar në identifikim i tij”, thuhet në njoftim.
Tutje, në njoftim thuhet se “me qëllim të ndriçimit të rastit nga Prokuroria Themelore në Prizren, kemi marr Autorizimin në pajtim dispozitave të nenit 76 prag 2 te KPPRK-së, për publikimin e fotografive të dyshuarit në mediume televizive dhe media sociale, ku kërkohet bashkëpunim-ndihmë nga qytetarët në ofrimin e informatave, që do të na ndihmonin në identifikim dhe arrestimin e të dyshuarit”.
“Andaj kërkojmë bashkëpunim nga të gjithë qytetarët, që nëse kanë çfarëdo informate, apo din diçka për vendndodhjen e të dyshuarit në foto, të raportojnë policinë në Prizren në nr 192 , apo në cilin do stacion të policisë në Kosovë”.
“Loyola-Gymnasium” në Prizren shpall konkurs për një mësimdhënës/e të gjuhës gjermane
Fatos Kongoli lindi më 12 janar 1944 në Elbasan dhe sot feston ditëlindjen e 80-të. Ai konsiderohet si një nga shkrimtarët më të mirë të letërsisë shqipe.
Librat e Kongolit janë botuar në disa vende të botës. Është fitues i çmimit ndërkombëtar “Balkanika”. Është fitues, gjithashtu, i çmimit më të lartë letrar në Shqipëri “Penda e Artë” (2004).
Shoqata e Botuesve Shqiptarë e ka vlerësuar me çmimin “Shkrimtari i vitit” për vitin 2006, ndërsa romani “Lëkura e qenit”, përkthyer në gjermanisht, u shpall libri i muajit qershor 2006 në Gjermani. Në vitin 2016 është shpallur “Shkrimtari më i mirë i vitit”, nga Fondacioni Kulturor “Harpa” në Fier.
Pas një pushimi të shkurtër do të rifillojë procesi gjyqësor ndaj ish-krerëve të UÇK-së në Dhomat e Specializuara të Kosovës në Hagë.
Seancat për vitin 2024 fillojnë, të hënën, më 15 janar, në gjykimin ndaj Hashim Thaçit, Kadri Veselit, Jakup Krasniqit dhe Rexhep Selimit.
Deri më tash janë paraqitur 38 dëshmitarë të Zyrës së Prokurorit të Specializuar (ZPS).
Në njoftimin javor të Speciales është bërë e ditur se trupi gjykues ka pranuar pjesërisht kërkesën e Zyrës së Prokurorit të Specializuar (ZPS) që të pranohen si prova deklaratat me shkrim të disa dëshmitarëve që kanë dhënë dëshmi në çështje të tjera, kërkesë kjo në të cilën përfshiheshin edhe deklaratat e disa dëshmitarëve që tashmë kanë vdekur.
Bayern Munich ka identifikuar mbrojtësin e djathtë të Galatasaray, Sacha Boey si një objektiv të mundshëm këtë janar, thonë raportet nga “Sky” në Gjermani.
Pas nënshkrimit të Eric Dier, Bayern do ta kthejë vëmendjen në marrjen e përforcimeve të mëtejshme në mbrojtje dhe, më konkretisht, për zonën e tyre të krahut të djathtë.
Me Noussair Mazraoui që po largohet për Kupën e Kombeve Afrikane ndërsa është i dëmtuar, Bayern do të mbetet pa një mbrojtës të krahut të djathtë për të ardhmen.
Prandaj, Boey do të jetë në gjendje të hyjë direkt në skuadër duke ofruar gjithashtu konkurrencë për Mazraoui sapo të kthehet në skuadër.
Me 29 paraqitje dhe dy gola deri më tani këtë sezon, 23-vjeçari ka bërë përshtypje për kampionët e Turqisë.
Pavarësisht nga kjo, kuptohet se kushtet personale nuk duhet të jenë një çështje midis Bayern dhe Boey, por kampionët rekord gjermanë mund të përballen me probleme në lidhje me tarifën e transferimit që do të kërkohet nga Galatasaray.
Sidoqoftë, opsioni i dëshiruar në krahun e djathtë është ende Nordi Mukiele i PSG-së, dhe një marrëveshje për Boey do të varet nëse Bayern mund të bjerë dakord për një marrëveshje me parisienët. Albanian Post
Dhomat e Specializuara të Kosovës në Hagë kanë bërë të ditur se Paneli i Gjykatës së Apelit e ka refuzuar apelin e Isni Kilajt që t’i ndërpritet masa e paraburgimit.
Ish-kryetari i Malishevës vazhdon të mbahen në paraburgim pasi i njëjti akuzohet për pengim të drejtësisë, njofton Klankosova.tv.
Kilaj u arrestua më 3 nëntor pas një urdhërarresti të lëshuar nga Prokurorja e Specializuar.
“Kilaj u arrestua për vepra penale kundër administrimit të drejtësisë, përfshirë pengimin e personave zyrtarë në kryerjen e detyrave zyrtare brenda kuptimit të nenit 401 të Kodit Penal të Kosovës… dhe shkeljen e sekretit të procedurave”, thuhej në njoftimin e ZPS-së.
“Loyola-Gymnasium” në Prizren shpall konkurs për një mësimdhënës/e të gjuhës gjermane
2 mijë e 218 gjoba trafiku janë shqiptuar në 24 orët e fundit në vendin tonë.
Gjatë kësaj periudhe kanë ndodhur 13 aksidente me të lënduar dhe 29 me dëme materiale, përcjell Klankosova.tv.
Në 24 orët e fundit gjithashtu janë arrestuar 20 persona dhe 13 janë dërguar në mbajtje.
