Më 28 qershor, Komuna e Prizrenit, e kishte përuruar një park me plot ulëse dhe lodra nën bjeshkët që rrethojnë Korishën.
Por, ajo që ka ndodh vetëm tri javë pas përurimit është për të ardhur keq.
Një sinjalizues i ka treguar Gazetës Sinjali, se shumë nga lodrat tashmë janë thyer, ndërsa e gjithë hapësira shihet e mbushur me plot bërllok.
Pamjet që ka siguruar Gazeta Sinjali e tregojnë më së miri degradimin që i është bërë kësaj hapësire publike – e cila ishte e dedikuar për banorët e asaj ane.
Av. Gent Gjini
Që nga fillimi i themelimit të saj, ka qenë e qartë se kjo Gjykatë Speciale do të sillte padrejtësi për faktorin shqiptar. Gjykimi për krimet e luftës në Kosovë po bëhet ndaj palës shqiptare, të cilët mbrojtën atdheun e tyre, dhe jo ndaj kriminelëve serbë ushtarakë dhe policë, që kryen krime makabre ndaj popullatës civile shqiptare.
Këta kriminelë vepruan si aparat shtetëror i organizuar dhe strukturuar mirë për spastrimin etnik të popullatës shumicë shqiptare.
Gjykata Speciale, ndaj faktorit shqiptar, po vepron në mënyrë subjektive, duke e ndëshkuar atë pa bazuar në prova dhe fakte të qarta. Ajo i dënon shqiptarët me dënime kapitale, duke i burgosur për detyrën e tyre fisnike të mbrojtjes së atdheut nga regjimi serb, dhe paraqet padrejtësisht si palë kriminale para vëmendjes ndërkombëtare.
Në cilësinë e avokatit, dënimin me burg prej 18 viteve për Pjetër Shalën, për krimet e pretenduara të luftës ndaj popullatës civile, e vlerësoj si skandaloz dhe jashtëzakonisht të ashpër. Ky është një dënim që shkel praktikat gjyqësore ndërkombëtare të Tribunalit të Hagës për krimet e luftës në ish-Jugosllavi.
Gjykata Speciale duket se ka karakter politik në dënimet e saj dhe jo bazuar mbi provat faktike. Themelimi dhe funksionimi i saj bazohet vetëm në një raport të paverifikuar juridikisht, raporti i Dick Martyt. Ky raport, i bazuar në prova të paqarta dhe të mbledhura në mënyra të dyshimta, ka prodhuar prova të fabrikuara, selektive dhe juridikisht të paqëndrueshme.
Ndaj faktorit shqiptar, kjo gjykatë sjell drejtësi selektive. Ndërsa Tribunali i Hagës për krimet e luftës në ish-Jugosllavi ka gjykuar të gjitha palët, përfshirë serbët, shqiptarët dhe kroatët, krimi i pretenduar i Pjetër Shalës nuk u trajtua asokohe.
Kjo lë shumë dyshime mbi mandatit e Gjykatës Speciale, duke sugjeruar se ajo tejkalon mandatin e saj dhe sjell drejtësi jo të drejtë, me dënime politike pa prova të mjaftueshme ndaj faktorit shqiptar që mbrojtën atdheun e tyre në formacionin ushtarak të UÇK-së, të njohur ndërkombëtarisht edhe nga Departamenti i Shtetit i SHBA-së.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Në nderim të martirëve të masakrës së Krushës së Vogël, e cila ndodhi para 25 viteve – gjatë luftës në Kosovë, po vazhdon ndërtimi i Memorialit në këtë fshat. Ky memorial është një përmbledhje simbolike e tragjedisë së ndodhur dhe një shenjë kujtimi për të gjithë ata që humbën jetën në atë periudhë të vështirë.
Drejtori i Administratës, Edin Shehu, pa nga afër sot punimet që po zhvillohen në vendin e Memorialit dhe bëri të ditur se punimet po ecin sipas planit të paraparë, gjithmonë duke e respektuar vendimin e Ministrisë së Shëndetësisë që punëtorët e sektorit të ndërtimtarisë mos t’i ekspozohen temperaturave të larta nga ora 11:00 deri në orën 17:00.
Me ndërtimin e këtij Memoriali do të ruhet dhe përforcohet kujtesa kolektive për ngjarjet e kaluara dhe do të promovohet kultura e paqes dhe respektit ndaj të kaluarës./PrizrenPress.com
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Ballkani është eleminuar në turin e parë kualifikues të Champions League, pasi u mund nga Santa Colomën. Të besuarit e Ilir Dajës pasi fituan 2-1 në Andorrë, sot në “Zahir Pajaziti” u mposhtën 1-2, ndërsa nga pika e bardhë e penalltive më e saktë ishte skuadra e Santa Coloma.
Kampionët e Kosovës hasën vështirësi në pjesën e parë, teksa nuk dolën dot në lojën e tyre. Gjërat u komplikuan ndjeshëm për skuadrën nga Suhareka, e cila në minutën e 36-të, e pa veten me një lojtar më pak, pas daljes me karton të kuq të Olatunjit, vendim i ardhur ky vetëm pas rishikimit me VAR.
Në superioritet numerik, skuadra nga Andorra shtoi ndjeshëm presionin në pjesën e dytë, iu afrua disa herë portës së mbrojtur nga Enea Koliçi. Hamidi shpërdoroi një rast perfekt për Ballkanin në të 67-tën, duke gabuar përballë portierit.
Mohedano dërgoi ndeshjen në shtesë falë golit në minutat e fundit. De Jesus “tundi rrjetën” në të 102-tën për mysafirët, ndërsa Hamidi riktheu në lojë Ballkanin me golin e tij në të 109-tën.
Santa Coloma siguroi kualifikimin për në turin e dytë pasi u tregua më e saktë nga pika e bardhë e penalltisë.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Një veturë është djegur në autostadën “Ibrahim Rugova”, më saktësisht në fshatin Carallukë.
Në fotografitë që i kanë dërguar lexuesit e Gazetës Express shihet se në vendin e ngjarjes kanë dalë ekipet e zjarrfikësve.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Në natën e dytë ‘PrizrenFest’ sjell dy shfaqje në skenën për të rritur, ‘Audienca’ dhe ‘DNA’. Shfaqja “AUDIENCA” nga Teatri i qytetit të Prizrenit “Bekim Fehmiu” , vjen në natën e dytë në lokacionin DestiLL Caffe duke filluar nga ora 22:00 dhe shfaqja “DNA” nga Produksioni i Teatrit Shqiptar – Shkup nga Maqedonia e Veriut, e cila shfaqet në lokacionin Shkolla Fillore “Loyola” duke filluar nga ora 20:30.
PrizrenFest në natën e tretë sjellë shfaqjen “VOYAGE A ZURICH” nga Produksion i “DontActe” Francë, një shfaqje e bazuar në ngjarje të vërtetë. Shfaqja do të jepet në lokacionin “Katedralja Katolike e Zojës Ndihmëtare” duke filluar nga ora 20:45.
Shqipëria në këtë festival vjen me shfaqjen “LULE SAJZA” nga Produksion i Teatrit Kombëtar Eksperimental “Kujtim Spahivogli” dhe me mbështetjen e Institutit të Studimeve për Krimet dhe Pasojat e Komunizmit. Shfaqje Teatrore Dokumentare. Shfaqja jepet tek “Katedralja Katolike e Zojës Ndihmëtare” nga ora 22:00
Më 24 korrik, Italia prezantohet me shfaqjen “LA GIOIA” nga Produksion i Emilia Romagna Teatro ERT – Teatro Nazionale (Itali) Bashkëprodhim i Théâtre de Liège (Belgjika), Le Manège Maubeuge – Scène Nationale (Franca). Një shfaqje e jashtëzakonshme e cila jepet në Kino Lumbardhi nga ora 21:00.
Gjatë muajve të nxehtë, korrik e gusht, policia e rajonit në Prizren ka paraparë plan të veçantë të trajtimin e lëmosh-kërkuesve e sidomos lëmosh-kërkuesve fëmijë, ku cenohet shëndeti i drejtpërdrejt i tyre në temperaturat e larta të cilat po mbretërojnë këto ditë.
Pjesë e këtij plani, sipas policisë, janë edhe Qendrat për Punë Sociale të Komunave përkatëse për një trajtim sa më të mirë dhe profesional.
“Në javën e kaluar stacioni policor në Prizren ka trajtuar disa lëmosh kërkues, shtetas të Shqipërisë, në mesin e tyre edhe fëmijë. Në lidhje me këta lëmosh-kërkues është kontaktuar Drejtoria për Migrim dhe të Huaj nga Policia Kufitare Perëndimi dhe Gjykata Themelore në Prizren. Të gjithë lëmosh kërkuesit vullnetarisht kanë lëshuar territorin e Republikës së Kosovës”, njofton policia.
Dyshohet se fëmijët lëmosh-kërkues janë viktima të keqpërdorimit nga persona të rritur të cilët i detyrojnë që të kërkojnë lëmosh edhe në kushte të vështira atmosferike. Policia e Kosovës, thuhet se do të vazhdojë të me Planin Operativ edhe gjatë ditëve dhe javëve në vijim.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Ish-ushtari i UÇK-së, Pjetër Shala, u dënua me 18 vjet burg nga Gjykata Speciale në Hagë.
Vendimi është shpallur ditën e sotme nga gjyqtarët e Speciales.
Ai u gjet fajtor për veprat si: ndalim arbitrar, torturë, trajtim mizor e vrasje të paligjshme.
Kryetarja e trupit gjykues theksoi se të gjitha provat kanë dëshmuar se Pjetër Shala është fajtor.
“Në emër të popullit të Kosovës, për arsye të shtjelluara në aktgjykim, trupi gjykues në bazë të Ligjit iu shpall z.Shala fajtor për veprat penale në vijim: pika 1 ndalim arbitrar si krim lufte, pika 3 torturë si krim lufte, dhe pika 4 vrasje e paligjshme si krim lufte”, tha gjyqtarja.
“Z.Shala duke qenë se jeni shpallur fajtor për më shumë se një vepër penale, trupi gjykues ka përcaktuar dënim më vete për secilën vepër penale. Trupi gjykues ka përcaktuar dënimet në vijim: dënim me 6 vjet burg për krimin e luftës së ndalimit arbitrar, dënim me 16 vjet burgim për torturë, dhe dënim me 18 vjet burg për vrasjen e paligjshme. Ju dënon me dënim 18 vjet burg”, tha ajo./Nacionale
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Kylian Mbappe u prezantua sot zyrtarisht si futbollist i Real Madridit. Para tribunave të mbushura në “Santiago Bernabeu”, francezi është shfaqur për herë të parë me fanellën e “mbretërve”.
Në prezantim ai ndau edhe përshtypjet e para për klubin, duke treguar se me transferimin në Real Madrid e ka realizuar ëndrrën e tij.
“Po përpiqem të flas spanjisht. Është mirë të jesh këtu. Kam ëndërruar për kaq shumë vite të luaj për Real Madridin dhe sot ajo ëndërr u bë realitet. Jam i lumtur. Dua të falënderoj presidentin Perez që besoi tek unë. Edhe si djalë i ri kam pasur vetëm një ëndërr dhe të jem këtu do të thotë shumë për mua. Faleminderit tifozëve nga Madridi që më mbështetën. Tani kam një ëndërr tjetër, dhe ajo është të përmbush pritshmëritë. Do të jap gjithçka nga vetja për këtë klub”, ka theksuar Mbappe.
Ai tutje ka dhënë një mesazh për të rinjtë. “Unë isha një fëmijë si të gjithë ju. Me përkushtim mund të arrini gjithçka që dëshironi. Jam krenar që kam përmbushur ëndrrën time, të bëhem lojtar i klubit më të mirë në historinë e futbollit”, ka thënë Mbappe.
Ylli francez nënshkroi kontratë me klubin mbretëror deri në vitin 2029.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
Dëshmitari Bslim Zyrapi, duke u përgjigjur në pyetjet e trupit gjykues e përfaqësuar nga gjyqtari Christoph Barthe tha se ishte problem për Shtabin e Përgjithshëm për fakti se komandantet e zonave merrnin veprime pa koordinim dhe këshillim prej këtij organi gjatë 1998-ës.
Një prej rasteve të tilla, dëshmitari tha se është edhe rasti në Fshatin e Ri (Ballaqefc) në mihjen sipërfaqësore ku pretendohet se ishin ndaluar disa minator serbë, raporton “Betimi për Drejtësi”.
“Edhe sulmi që është bërë në Ballaqefc është bërë pa lejen e shtabit dhe pa dritën e gjelbër të drejtorisë operative. Ka ndodhur, nuk e di a ishte gushti a cili muaj që është bërë sulmi në Ballaqefc në mihjen sipërfaqësore ku komanda e zonës nuk ka kërku një pëlqim për një veprim të tillë”, tha dëshmitari duke shtuar se kishte edhe raste të tjera por që nuk i kujtohen.
Gjatë pyetjeve të gjyqtarit Barthe, dëshmitari pohoi se Gjykata Ushtarake u krijua për të trajtuar çështjen e kolaboracionistëve. Më pas ai u pyet se a e dini ndonjë rast që kjo gjykatë ka trajtu çështje të civilëve dhe jo vetën të ushtarëve të UÇK-së.
“Atë duhet ta din Sokol Dobruna se unë nuk jam marrë me atë çështje. Çka kam mujtë kam jep këshillat e mija dhe mbështetje për mbarëvajtjen dhe sigurinë por nuk e di. Nuk kam pas kompetencë për atë punë”, tha Zyrapi.
Pas kësaj, dëshmitari u pyet se si ka pasur mundësi Azem Syla që ta mbikëqyrë sektorin juridik të Shtabit të Përgjithshëm kur pjesën më të madhe të kohës ai ishte në Shqipëri e po ashtu kur Dobruna nuk ishte i disponueshëm për këtë punë.
“Zëvendësit. Zëvendësit punojnë dhe e mbikëqyrin këtë sektor. Të dy (Jakup Krasniqi dhe Sokol Bashota) e kanë pasur, po më shumë ka qenë zëvendës Jakup Krasniqi”, tha dëshmitari Zyrapi.
Dëshmitari tha se përgjegjës për drejtorinë e Policisë Ushtarake konkretisht pas formimit të saj ka qenë Fatmir Limaj. Ai shtoi së më herët nuk ka figuruar kjo drejtori dhe se Famir Limaj ka qenë drejtori i parë.
“Para se të bëhej drejtor i drejtorisë së Policisë ushtarake ka qenë komandant i Brigadës 121”, tha tutje Zyrapi për Limajn.
Më pas, Ben Emmerson i cili është avokat në ekipin mbrojtës të Veselit kërkoi që të flas për një çështje pa praninë e dëshmitarit.
Pas kësaj, dëshmitari u kthye në sallën e gjyqit për të iu përgjigjur pyetjeve sqaruese të gjyqtarit Barthe lidhur me rolin e Thaçit, njësisë speciale të UÇK-së etj. të cilat veçse ishin diskutuar më herët në sallën e gjyqit.
Dëshmitari Zyrapi ka përfunduar dëshminë e tij për ditën e sotme për të vazhduar edhe nesër.
Ndryshe, Ben Emmerson kërkoi për veprimet që synohen të merren gjatë kësaj jave në sallën e gjyqit për çka kryegjyqtari Charles Smith III tha se shpresojnë që të përfundojnë këtë javë me këtë dëshmitar.
Ndonëse, në seancën e se enjtes, dëshmitari është paraparë të dëshmojë vetëm deri në ora 11:00, Smith III tha se Zyrapi i ka thënë që mund të qëndrojë edhe pas pushimit të orës 11:00 për të vazhduar me dëshminë nëse kjo do i ndihmonte procesit dhe përfundimit të dëshmisë së tij aty.
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit