Klubi i basketbollit nga Suhareka, Golden Eagle Ylli, e ka transferuar basketbollistin amerikan Nate Grimes.
Grimes 27-vjeçar vitin e kaluar ishte pjesë e Sigal Prishtinës.
Basketbollisti i gjatë 203 centimetra së fundi luajti te klubi japonez Iwate Big Bulls.
“Hello 2024! Nate Grimes nga sot bashkohet me ne, Grimes ka qen pjesë e Superligës dhe vitin e kaluar me paraqitje fantastike. Welcome Nate!” – ka shkruar GE Ylli në Facebook.
Nëpër mediat braziliane po qarkullojnë thashethemet se Neymar do të bëhet baba për të tretën herë.
Zërat thonë se modelja në fjalë është 3 muajshe shtatzënë me futbollistin dhe se lajmi ishte e papritur për Neymar, i cili po rikuperohet nga operacioni në gju.
Sipas portalit “Segue A Cami”, një influencuese e quajtur Jamile Alima, ka publikuar foton e vajzës së vogël të Neymar, Mavie dhe ka shkruar: “Bebe e bukur, ti do të bëhesh me vëlla nga babi Ney. Do të keni vetëm një vit diferencë”.
Influencuesja i mohoi pretendimet në një postim të dytë, por sipas gazetarit të njohur Leo Dias, modelja është shtatzënë. “Neymar do të bëhet baba për herë të tretë. E ëma është një modele braziliane dhe është 3 muaj shtatzënë. Ajo mbeti shtatzënë ndërsa kishin një lidhje të fshehtë, ndërkohë që futbollisti po rikuperohej nga dëmtimi në gju. Ka shqetësime për shëndetin e nënës, e cila po bën disa teste dhe analiza. Shtatzënia ishte surprizë, por ata ishin në një romancë”.
Para dy muajsh, nëna e vajzës së Neymar, Bruna Biancardi, konfirmoi ndarjen nga futbollisti, pasi thuhet se ky e kishte tradhtuar. “Kjo është një çështje private, por meqë po ekspozohem në lajme, supozime dhe shaka në përditshmëri, ju informoj se nuk jam në një marrëdhënie. Ne jemi prindërit e Mavie dhe kjo është arsyeja pse kemi këtë lidhje. Shpresoj që kjo mënyrë të ndalojë lajmet e vazhdueshme. Faleminderit!”, shkroi ajo në një postim në Instastory.
Neymar dhe Bruna u bënë prindër të vajzës Mavie, ndërsa zërat thonë se futbollisti e tradhtoi (ish)partneren gjatë periudhës kur ajo ishte shtatzënë.
Gjobë 300 euro i është shqiptuar një shoferi nga Njësia për Kontroll të Autostradave, pasi i njëjti nuk ka respektuar kufizimin e shpejtësisë.
Sipas policisë, në zonën ku kufizimi i shpejtësisë është 80 km/h ai ka drejtuar mjetin me shpejtësi 168 km/h.
Përveç gjobës, shoferit i janë shqiptuar edhe tri pikë negative si dhe për tre muaj i është ndaluar drejtimi i mjetit me veprim motorik.
“Njësia për Kontroll të Autostradave në zonën ku kufizimi i shpejtësisë është 80 km/h ka identifikuar shoferin duke drejtuar mjetin me shpejtësi 168 km/h, i njëjti është gjobitur me 300 euro, 3 pikë negative dhe 3 muaj i është ndaluar drejtimi i mjetit me veprim motorik”, thuhet në njoftimin për media.
Teksa ditët kalojnë dhe përgatitjet vijojnë, thuajse të gjitha skuadrat e mëdha evropiane i kanë përcaktuar rivalët e tyre për ndeshje miqësore në muajin mars.
Trajneri i Shqipërisë, Sylvinho, dëshironte kundërshtarë të fortë, mundësisht skuadra evropiane për të matur forcën e ekipit të tij si dhe për t’u treguar futbollistëve kuqezinj se cila duhet të jetë qasja në finalet e Evropianit.
Në Federatën Shqiptare të Futbollit po punohet ende për t’i ofruar brazilianit kundërshtarët që ai kërkon por deri tani nuk ka qenë e mundur të përcaktohet. Agjencitë e organizimit të ndeshjeve miqësore me të cilat punon FSHF kanë ofruar deri tani pjesëmarrjen në një turne në Algjeri dhe mundësinë që Shqipëria të zhvillojë ndeshje me Bolivonë, Afrikën e Jugut dhe vetë kombëtaren Algjeriane.
FSHF ende nuk ka kthyer përgjigje për pjesëmarrjen në këtë event, teksa koha po kalon dhe gjërat bëhen më të vështira për të gjetur të tjera kombëtare të gatshme për t’u përfshirë në miqësore në datat e lira nga FIFA në muajin mars.
Kështu që me gjasë, Shqipëria do të udhëtojë për në Algjeri për këto takime miqësore nëse në një kohë të shkurtër nuk arrin të gjejë akordin me dy kombëtare evropiane.
Drejtori i Shërbimit Korrektues të Kosovës, Ismail Dibrani ka njoftuar se gjatë këtij viti, do të mbyllen dy burgje.
Shkaku i vjetërsisë dhe kushteve të pafavorshme, pritet të mbyllet burgu i Pejës, por edhe i Prizrenit.
“Ne kemi dy burgje të cilat nuk i plotësojnë standardet më të mira evropiane për të funksionuar. Është burgu i Pejës dhe Burgu i Prizrenit për shkak të vjetërsisë dhe infrastruktura nuk i plotëson kriteret apo nevojat të cilat i kemi si shërbim. Ne kemi vendosur që këto dy burgje të mbyllen dhe të ndërtohet një burg i ri i cili i shërben të gjithë rajonit të Dukagjinit, përfshirë Gjakovën, Sukarekën, Prizrenin, Rahovecin, Ferizaj, Shtimen sepse nuk do të jetë vetëm qendër e paraburgimit, ku do të jetë edhe qendër korrektuese, në një masë do ta lehtësojë edhe Burgun e Dubravës , sepse familjarët nga vise të ndryshme, vise të largëta të Kosovës do ta kenë më të lehtë vizitimin e tyre në burgun e Prizrenit”, deklaron Dibrani.
Tutje, thekson se prioritete për këtë vit mbeten kompletimi i infrastrukturës, ndërtimi i burgjeve të reja, renovimi i burgjeve të vjetra dhe ngritja profesionale e stafit./Indeksonline/
Gjatë vitit 2023, Kosova është përballur me një numër të lartë të vrasjeve, duke shënuar një rritje të ndjeshme krahasuar me vitin e kaluar. Sipas raporteve të Policisë së Kosovës, nga 1 janari deri më 31 tetor të vitit 2023, janë regjistruar 28 vrasje.
Kosova përgjatë vitit 2023 është tronditur nga dhjetëra vrasje, të cilat kanë ndodhur nga 1 janari e deri më 31 tetor të 2023.
Gjatë kësaj periudhe kohore, në Kosovë janë regjistruar gjithsej 28 vrasje. Ky numër u bazua në raportin e policisë për periudhën janar-nëntor të vitit 2023.
Kjo shënon një rritje të vrasjeve krahasuar me vitin 2022, ku për 365 ditë u raportuan 21 vrasje.
Megjithatë, vrasjet nuk u ndalen as pas kësaj periudhe kohore.
Rasti tjetër i njohur i vrasjes në Kosovë përfshin vdekjen e Liridona Ademajt.
Në lidhje me këtë rast, janë arrestuar disa persona, duke përfshirë bashkëshortin e saj, Naim Murselin, Granit Plavën dhe Kushtrim Kokallën.
Murseli akuzohet se i kishte premtuar Plavës një shumë të madhe parash për kryerjen e vrasjes.
Sipas sociologut Labinot Kunushevci, faktorët socialë që kanë kontribuuar në rritjen e numrit të vrasjeve janë prej më të ndryshmeve.
“Rritja e frustrimit social, toleranca ndaj rreziqeve të alarmuara për tensione dhune, mungesa e mirëqenies dhe integrimit në shoqëri, problemet ekonomike, qasja e butë ndëshkimore ndaj njerëzve me dosje penale të dhunës – relativizimi i fajit të dhunuesve, janë disa nga shkaqet që kanë rritur numrin e vrasjeve në Kosovë”, ka thënë ai për Dukagjinin.
Tutje, ai ka thënë se për të arritur një shkallë më të lartë të ndërgjegjësimit shoqëror, është thelbësore të aplikohet një kontroll më i rreptë dhe i filtruar i të gjitha mekanizmave publikë që ndikojnë në raportet shoqërore.
“Media, arti, marrëdhëniet profesionale, ndarja e roleve gjinore, barazia dhe planifikimi familjar”, janë vetëm disa nga to, sipas Kunushevcit.
Ndër rastet e regjistruara, disa prej tyre kanë tronditur opinionin publik, për shkak të natyrës së tyre të rëndë.
Një vrasje në Banjë të Malishevës më 20 shtator, ku një person u gjet pa shenja jete dhe dyshohej se ishte qëlluar me armë zjarri.
Një tjetër rast ishte në Podujevë më 11 shtator, ku një ngjarje tragjike ndodhi para syve të një fëmije 4-vjeçar.
Gjithashtu, një person rreth moshës 48-vjeçare u vra në Prizren më 3 shtator para syve të familjes së tij.
Në Skenderaj, më 10 gusht, një 39-vjeçar u vra dhe tre të tjerë mbetën të plagosur. Në Klinë, më 7 gusht, një person u vra me armë zjarri në një ngjarje ku viktima dhe i dyshuari kishin lidhje familjare.
Një tjetër vrasje kishte ndodhur më 5 gusht në “Bon Vivant“, ku përfunduan të plagosur 6 persona dhe 10 të tjerë u lënduan.
Ndërsa, një shtetase argjentinase ishte vrarë në Fushë-Kosovë më 2 gusht, kurse i dyshuari lidhur me vrasjen është arrestuar, ndërsa një 17-vjeçar u ther me thikë në Viti më 21 korrik dhe për pasojë nga plagët e marra ka vdekur.
Më datën 25 qershor të vitit 2023, kishte ndodhur një vrasje për tokë në Gjakovë, pas arrestimit, i dyshuari thotë se dy vëllezërit i vrau në vetëmbrojtje, pasi të njëjtit e kishin rrahur fort.
Më datën 14 prill të vitit 2023, një grua ishte ekzekutuar në Pejë, kurse i dyshuar ishte djali i saj.
Ndërsa, më datën 24 janar të vitit 2023, në Kaçanik, nga Policia e Kosovës ishte gjetur një burrë i moshës 48-vjeçare i vrarë në veturën e tij./RTV Dukagjini/
Numri i të papunëve në Gjermani u rrit paksa në dhjetor, edhe pse në nivel në të ulët sesa prisnin analistët. Ndërkaq niveli i papunësisë më 2023 ishte më i ulëti që nga ribashkimi gjerman, sipas të dhënave të publikuara më 3 janar.
Agjencia Federale e Punësimit tha se numri i personave të papunë në dhjetor u rrit me 5.000, duke çuar numrin e të papunëve në 2.7 milionë.
Sipas analizave të Reuters, pritej që papunësia të rritej për 20.000.
“Tregu i punës është ende mirë sa i përket ngarkesës dhe paqartësive”, tha udhëheqësja e agjencisë, Andrea Nahles.
Shprehur në përqindje, në dhjetorin e vitit të kaluar papunësia në Gjermani u rrit për 5.9 për qind.
“Nëse e shikojmë vitin 2023, ne mund të shohim se ekonomia e dobësuar nuk e ka lënë të padëmtuar tregun e punës”, tha Nahles, duke theksuar se viti i kaluar ishte një ndër vitet me papunësinë më të ulët që nga ribashkimi gjerman.
Numri i të papunëve u rrit për 191.000 më 2023, krahasuar me një vit më parë.
Kërkesa për fuqi punëtore ra në pjesën e dytë të vitit 2022 dhe ky trend vazhdoi edhe më 2023. Megjithatë, kërkesa për fuqi punëtore vazhdon të jetë e lartë nëse bëhen krahasime në terma afatgjatë.
Më 2023, mesatarisht janë hapur 761.000 vende pune, apo 84.000 më pak se në vitin paraprak, tha agjencia gjermane. /REL/
Në 24-orëshin e fundit janë raportuar për 77 aksidente, ku 56 prej tyre janë me dëme materiale, ndërsa 21 janë më të lënduar.
Me tej, janë edhe 1811 tiketa të shqiptuar për kundërvajtje.
Policia e Kosovës gjithashtu ka njoftuar se ka arrestuar 19 persona, ndërkaq në mbajtje janë dërguar 14.
Në 24-orëshin e fundit janë raportuar për 77 aksidente, ku 56 prej tyre janë me dëme materiale, ndërsa 21 janë më të lënduar.
Me tej, janë edhe 1811 tiketa të shqiptuar për kundërvajtje.
Policia e Kosovës gjithashtu ka njoftuar se ka arrestuar 19 persona, ndërkaq në mbajtje janë dërguar 14.
Anton Çeta lindi në Gjakovë më 3 janar 1920 dhe vdiq në vitin 1995 në Prishtinë. Çetta ishte shkrimtar, profesor letërsie e patriot shqiptar, i njohur edhe për pajtimin e gjaqeve në Kosovë.
Ai mbaroi shkollën fillore në vendlindje, ndërsa të mesmen në Tiranë dhe Korçë.
Studimet i mbaroi në Universitetin e Beogradit, ku diplomoi në gjuhë dhe kulturë romane. Për një kohë punoi si asistent në degën e gjuhës shqipe.
Nga viti 1960 deri më 1968 ai ligjëroi lëndët: Letërsia e vjetër shqiptare, Histori e letërsisë dhe Gjuhë latine në Universitetin e Prishtinës. Libri i parë iu botua më 1953 dhe deri në vitin 1987, Çetta botoi 16 libra me përmbledhje folklori nga të gjitha viset shqiptare të Kosovës, Malit të Zi dhe Maqedonisë.
Nga viti 1968 Anton Çetta ka qenë udhëheqës i Departamentit të Folklorit në Institutin Albanologjik të Prishtinës. Në vitin 1990, profesor Çetta është zgjedhur kryetar i Këshillit Qendror të Lëvizjes Kombëtare për Pajtimin e Gjaqeve. Duke qenë se gjatë mbledhjes së folklorit kishte vizituar të gjitha viset shqiptare, ai kishte fituar respektin dhe dashurinë e popullit.
“Plaku i urtë”, siç i kishte dhënë epitetin populli, kishte arritur të pajtonte me mijëra familje të hasmuara dhe dukuria e keqe e gjakmarrjes pothuajse ishte zhdukur krejtësisht deri kah mesi i viteve ’90.
Ndërsa, më 26 nëntor 2020, në 100 vjetorin e lindjes së Anton Çettës, dhe në 25 vjetorin e vdekjes së tij, në ambientet e Bibliotekës Kombëtare të Kosovës, në organizim të Ministrisë së Kulturës, Rinisë dhe Sportit, në bashkëpunim me Institutin Albanologjik të Kosovës, është promovuar botimi i kompletit të veprave të veprimtarit, shkrimtarit, mbledhësit të folklorit shqiptar, profesor Anton Çettës.
Muaji nëntor me vendim të qeverisë ishte shpallur muaji i Anton Çettës.