10.7 C
Prizren
E enjte, 18 Shtator, 2025

17 vjeçari kapet me narkotikë në Prizren

Konsumimi i drogës është një dukuri që po lulëzon në të gjitha qytetet dhe po prek në veçanti të rinjtë, duke e dëmtuar shëndetin e tyre.

Një rast i tillë është zbuluar edhe mbrëmë në rrugën “Tahir Sinani” në Prizren, ku gjatë patrullimit në një pikë kontrolli, Policia ka ndaluar një veturë, nën dyshimet për gjësende të kundërligjshme.

Sinjali mëson se gjatë kontrollimit të veturës, te një pasagjer, i moshës së mitur, zyrtarët policorë kanë gjetur dhe sekuestruar një sasi të substancës narkotike, të dyshuar marihuanë.

Bëhet fjalë për një 17-vjeçar, i cili pasi u kap me narkotikë dhe është shoqëruar në stacionin policor në Prizren, ku është intervistuar nga hetuesit policorë për veprën për të cilën ngarkohet.

Prokurori  ka nisur hetimet për veprën ‘Posedim i paautorizuar i substancave narkotike psikotrope ose analoge”.

Më Shumë

Dogana e Kosovës zbulon mall me origjinë të pasaktë në Vërmicë, nis procedura kundërvajtëse

Dogana e Kosovës ka identifikuar një rast të mosdeklarimit të saktë të origjinës së mallrave gjatë procedurave të importit në pikën doganore të Vërmicës. Gjatë...

Rexhaj i VV-së thotë se Gjykata Kushtetuese s’bën në asnjë formë të devijoj vullnetin politik të votimit në Kuvend

Tash e disa muaj vendi është në një ngërç institucional. Megjithëse u arrit të zgjedhet kryetari i Kuvendit, sërish nuk u arrit konstituimi i plotë...

Lajmet e Fundit