Një rast i dhunës ka ndodhur në Lubiçevë të Prizrenit.
Nusja I ka denoncuar në polici prindërit e bashkëshortit, vjehërrinë e saj.
Bazuar në dëshminë e viktimës të dhënë para hetuesve policorë, vjehërria e saj kanë ushtruar dhunë fizike dhe psike, duke i shkaktuar shqetësim e frikë të madhe. Sipas informacioneve të para, vjehrri e ka sulmuar nusen me bastun (shkop që e përdorin pleqtë), kurse vjehrra e ka kapur për flokësh.
Përballë kësaj situate, viktima ka vendosur që të kërkojë ndihmë, duke i raportuar të dyshuarit në Polici, me ç’rast ka rrëfyer për dhunën që ka përjetuar në shtëpinë e burrit.
Si rezultat i raportimit, të dyshuarit janë shoqëruar në stacion policor, ku kanë dhënë deklaratat e tyre dhe më pas me urdhër të Prokurorit të Shtetit kanë nisur hetimet për dhunë në familje ndaj të dyshuarve./Sinjali