Sonte në “MHP Arena” në Ludwigsburg të Gjermanisë, boksieri nga Juniku, Ardian Krasniqi, do të përballet me Saul Ivan Male nga Afrika, në një ndeshje të vlefshme për titullin interkontinental të WBO-së.
Krasniqi, i cili ka 9 fitore nga 9 ndeshje, të gjitha me nokaut, është i gatshëm për këtë sfidë të madhe.
Pas matjeve zyrtare, Krasniqi u shpreh i përgatitur dhe i motivuar për të fituar. Ardian Krasniqi, nipi i legjendës së boksit shqiptar, Luan Krasniqi, synon të vazhdojë rrugën e tij drejt majave të boksit ndërkombëtar me një tjetër fitore sonte./PrizrenPress.com/
