Në kufirin e Morinës, ku qindra mërgimtarë po arrijnë çdo orë duke sjellë gjallëri dhe energji festive në prag të fundvitit, përveç pritësve familjarë e shoqërorë, sot u bashkuan edhe vullnetarët e Lëvizjes Vetëvendosje nga Qendra Prizren. Të rinjtë dhe të rejat e kësaj lëvizjeje i uruan mirëseardhjen secilit bashkatdhetar, përcjell PrizrenPress.
Përveç fjalëve të përzemërta, vullnetarët shpërndanë edhe fletushka me kode QR, duke i ftuar të gjithë të regjistrohen për votimin nga diaspora. “Afatit po i afrohet fundit dhe çdo votë ka rëndësi vendimtare. Së bashku, po i hapim rrugën realizimit të synimeve tona dhe ndërtimit të një Kosove që çdokush e meriton: të përparuar, gjithëpërfshirëse dhe plot shpresë”, thuhet në njoftimin e LVV-së në Prizren.
“Nga çdo cep i botës ku je, hidhe votën për atdhe!” – ishte mesazhi që ata shpërndanë, duke ftuar bashkatdhetarët të kontribuojnë në këtë proces të rëndësishëm./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
