Në Rahovec, në një ceremoni solemne, në prani të familjarëve, bashkëpunëtorëve dhe qytetarëve, Prof. dr. Samedin Haxhijaha u nderua me dekoratën për humanizëm “Dr. Ali Sokoli”. Ky çmim i jepet atyre që me përkushtim të jashtëzakonshëm kanë kontribuar në përmirësimin e jetës dhe kushteve të punës për njerëzit në nevojë, raporton PrizrenPress.
Prof. dr. Haxhijaha ishte një mjek dhe humanist i shquar, i cili gjatë gjithë jetës iu kushtua shërbimit ndaj popullit të Kosovës. Ai dha kontribut të madh në mbrojtjen e shëndetit publik, duke hapur institucione dhe duke konsoliduar shërbime të veçanta shëndetësore në një kohë kur mund të kishte zgjedhur një jetë më të lehtë jashtë vendit.
Smajl Latifi, kryetari i Rahovecit, theksoi se zgjedhja e Prof. dr. Haxhijaha për t’i shërbyer vendit dhe misioni i tij human e bëjnë emrin e tij të nderuar brez pas brezi.
“Shembulli i Prof. dr. Samedin Haxhijaha mbetet frymëzim dhe motivim për të gjithë ata që e shohin mjekësinë dhe humanizmin jo vetëm si profesion, por si mision jetësor”, tha ai.
Dekorata “Dr. Ali Sokoli”, e emëruar sipas një prej doajenëve të shëndetësisë shqiptare, iu nda post mortem Prof. dr. Haxhijaha si shenjë mirënjohjeje për jetën e tij të mbushur me shërbim, humanizëm dhe atdhedashuri./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
