Drejtori i Shëndetësisë në Komunën e Malishevës, Amrush Helshani, ka nisur sot vizitën e tij të parë zyrtare në Qendrën Kryesore të Mjekësisë Familjare “Shpëtim Robaj”, i shoqëruar nga bashkëpunëtorët, Shqipron Berisha dhe Bibe Mazreku. Në qendër u pritën nga ushtruesi i detyrës, Urim Thaçi.
Gjatë takimit, drejtori Helshani u njoh nga afër me gjendjen aktuale të shërbimeve shëndetësore, kushtet e punës dhe nevojat prioritare të institucionit. Sipas njoftimit, në fokus të bisedës ishin kërkesat për përmirësimin e infrastrukturës, furnizimin me pajisje mjekësore dhe fuqizimin e stafit profesional, me qëllim rritjen e cilësisë së shërbimeve për qytetarët.
“Jam i përkushtuar për bashkëpunim të ngushtë me të gjitha institucionet shëndetësore në komunë, duke siguruar trajtim serioz të kërkesave dhe angazhim për adresimin e tyre në përputhje me mundësitë buxhetore”, tha drejtori Helshani.
Ndërkaq, drejtori Thaçi falënderoi për vizitën dhe gatishmërinë për mbështetje, duke vlerësuar rëndësinë e komunikimit të drejtpërdrejtë për avancimin e sistemit parësor shëndetësor në Malishevë.
Pas përfundimit të takimit, Helshani dhe bashkëpunëtorët bënë homazhe dhe vendosën lule te varri i ish-drejtorit të Shëndetësisë, Hajdin Berisha, duke nderuar kontributin e tij në shëndetësinë lokale./PrizrenPress.com/
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
