Rusia ka dërguar mbi 2 mijë ushtarë në jug të vendit pranë kufirit me Krimenë, rajonet separatiste të Gjeorgjisë, Abkazinë dhe Osetinë Jugore.
Lajmi u njoftua nga vetë ushtria ruse, e cila tha se çuarja e ushtarëve atje është bërë në kuadër të një programi trajnues.
Ushtria e qarkut Federal Jugor ka njoftuar se 500 pajisje të rënda ushtarake janë duke u shfrytëzuar për ushtrime.
Pjesë e këtyre ushtrime janë bërë edhe njësitë e forcave ajrore, të cilët e kanë për detyrë që të zmbrapsin sulme me raketa dhe aeroplanë.
Në njoftim thuhet se ushtrimet po mbahen në 12 fusha në zonat e sipërpërmendura, mirëpo ende nuk është bërë e qartë se sa do të zgjasin.
Por kjo fushatë ka ngritur shqetësime tek fqinjët dhe Perëndimi, i cili prej kohësh akuzon Rusinë se përmes këtyre vendeve po kalon pajisje të rënda ushtarake.
Kujtojmë që aktualisht në lindje të Ukrainës nuk po zhvillohen luftime mes ushtrisë ukrainase dhe rebelëve pro-rusë, për shkak të armëpushimit të vendosur mes tyre pak javë më parë.