Legjenda e futbollit të Kosovës, Adrian Kozniku është shprehur i gatshëm për ta marrë drejtimin e Përfaqësueses së Kosovës në futboll.
“Unë kam qenë i gatshëm edhe para se mu pranuar Kosova në FIFA. Si çdo trajner, edhe unë kam dëshirë për ta përfaqësuar Kosovën, e pres me padurim këtë shans. Kosova ka lojtarë mjaftë të mirë, edhe në Kosovë edhe jashtë saj. Unë nuk jam ai që vendosi, për momentin është selektori, por unë jam i gatshëm. Kam provojë të madhe, kam qenë lojtar i madh dhe nuk do të thotë se jam një trajner i papërvojë”, ka thënë Kozniku për “Radio Kosovën”.