Lidhja Demokratike e Kosovës(LDK) në Prizren është “zbutur” rreth përcaktimit të kandidatit për kryetar të Komunës.
Kryesia e këtij subjekti politik në këtë qytet, do të përkrah cdo kandidat për kryetar të Prizrenit, që vendoset në Prishtinë.
“Kryesia e Degës së LDK-së në Prizren, ka propozuar Hatim Baxhakun si kandidat, por në të njëjtën kohë vlerëson lartë të gjithë emrat të cilët janë pretëndentë për të udhëhequr me qytetin e Prizrenit”, thuhet në komunikatën e LDK-së në Prizren, transmeton PrizrenPress.
“Struktura e Degës së LDK-së është unike dhe vendosur për të punuar si asnjëherë më parë, për të sjell ndryshimin e shumëpritur nga qytetarët e Prizrenit, gjithmonë në koordinim të plotë me strukturën udhëheqëse të partisë dhe interesin e qytetarëve” .
“Po ashtu lista gjithëpërfshirëse e LDK-së për asamblistë është gati, ku brenda kësaj liste janë emrat më eminent të qytetit “./PrizrenPress.com/