Kandidati i Nismës, Zafir Berisha ka akuzuar pushtetin komunal se po e keqpërdorë buxhetin për fushatë zgjedhore.
“Tani jemi edhe para një sfide të re e cila kërkon mobilizim të shtuar, në mënyrë që mbështetja juaj, të jetë pjesë e fitores tonë të madhe”, ka thënë Berisha në Petrovë.
“Fitorja e NISMA-s do të thotë humbje për të inkriminuarit dhe të korruptuarit në qytetin e Prizrenit, qytet ky nuk e ka merituar kurrë një gjendje të tillë, çfarë e ka sot”.
“ Jemi dëshmitar se po bëhet një fushatë e pist, nga ata që kanë kapur Prizrenin, konkretisht nga drejtoret komunal. Ata po keqpërdorin paranë publike dhe institucionet, duke shtruar rrugë e oborre, në këmbim të votës”.
“ Operatoret ekonomik në Prizren po kryejn punime pa kritere e pa kontrata gjatë kësaj fushate, vetëm e vetëm për ta ricikluar krimin dhe korrupcionin në Prizren”.
“Prandaj, është e domosdoshme ndërrimi i qeverisjes komunale, nëse duam që institucionet t’ua kthejmë qytetarëve”