Kandidat i koalicionit AAK – LDD, Lulëzim Kabashi, është takuar me banorët e fshatit të tij, Korishë të Prizrenit.
Kabashi në këtë takim ka kërkuar nga bashkëfshatarët që t’i japin propozimet e tyre në mënyrë që t;i përfshijë në Platformën Zgjedhore.
Ai, premtoi se fshati Korishë do të jetë prioritet gjatë qeverisjes se tij, si kryetar i ardhshëm i Prizrenit.” Në këtë fshat do të realizohen katër projekte”, premtoi ai.
Ai premtoi realizimin e disa nga projektet edhe në qytet. Banorët e fshatit Korishë, ndërkaq janë shprehur se janë krenar që në zgjedhjet e nëntorit për kryetar të Prizrenit garon bashkëvendësi i tyre.
Fjalë të mira për kandidatin Lulëzim Kabashi, folën dr, Zenel Kabashi, prof,dr. Jashar Kabashi, dr, Isni Daka, shkrimtari Albatros Rexhaj, dhe gazetari Mustafë Muçaj. Ata kërkuan nga të pranishmit që të përkrahin unanimisht kandidaturën e Lulëzim Kabashit për kryetar të Prizrenit./PrizrenPress.com/