Drejtori i Arsimit në Prizren, Skënder Susuri, ka treguar momentin më të vështirë të punës së tij.
“Kemi pas një konkurs me kohe të caktuar në shkollën “Emin Duraku”. Në këtë konkurs kanë aplikuar 50 kandidatë, ku 20 prej tyre i janë nënshtruar intervistës me gojë.
“Kur i kam pyetur anëtarët e Komisionit se cili është suksesi i tyre, ata më janë përgjigjur se “cilindo që do ta pranojmë nuk gabojmë, por edhe cilindo prej tyre që se marrim i kemi hyrë ne hak’ ”, tha Susuri për TVPZ.
“Unë kur dal në korridor dhe shoh 30 apo 40 vajza dhe djem duke prit në radhë, për mu ky është momenti më i vështirë në jetë”.
Susuri tha se të rinjtë e Prizrenit kanë përgatitje të shkëlqyeshme./PrizrenPress.com/