Kandidati i Nismës Qytetare për Prizrenin, Fadil Kryeziu ka mbajtur takim
qytetarët e fshatit Randobravë.
Kryeziu tha se NQP-ja do të angazhohet në përmisimin e kualitetit të arsimit, shërbimeve shëndetësore, sportit të bizneseve të reja dhe ekonomisë së vogël dhe familjare.
“Nëse NQP-ja merrë votat, kultivuesit e frutaperimeve do të lirohen nga taksat gjatë ditës së tregut për ekspozimin dhe shitjen e produkteve të tyre”, premtoi Kryeziu.
Ai tha se çdo biznes i ri, i cili punëson mbi dy punëtorë të rregullt do të lirohet nga taksat komunale për dy vjet. “ Ndërkaq të gjitha bizneset duhet të paguajnë vetëm një taksë komunale”
Kryeziu premtoi se NQP-ja do të mbështesë shoqatat e dala nga lufta nga buxheti komunal për zhvillimin e aktiviteteve të tyre.
Ai iu premtoi banorëve të këtij fshati se do të angazhohet për ndërtimin e rezervarit të ujit të pijshëm për të eliminua mungesën e tij.
Kandidati për Asamblenë Komunale Dr. Sejran Abdushi, ndërkaq shpalosi aspektet shëndetësore të programit. Ai theksoi nevojën imediate për ngritjen e kualitetit të shërbimeve shëndetësore.
Kandidati tjetër, Bujar Hasani në këtë takim shpalosi programin ekonomik të NQP.
Në takim aspektet arsimore i shprehu z. Islam Bajrami, derisa Venera hasani u ndal kryesisht në angazhimet për rininë dhe kulturën. Ata thanë se NQP do të jetë e përgjegjëshme dhe gjithnjë në shërbim të qytetarëve, ndryshe nga subjektet tjera të cilat vrapojnë vetëm pas pushtetit.
Në fund iu ba thirrje të gjithë të pranishmëve që të votojnë Nismën Qytetare për Prizrenin, e cila është e renditur në numrin 85, kandidatin e saj për Kryetar dhe kanddatët për Kuvend Komunal. Kishte solidarizim të theksuar të banorëve dhe NQP pret rezultat të mirë në këtë vendbanim./PrizrenPress.com/