Gati dy javë pas fillimit të fushatës zgjedhore partitë politike kanë intensifikuar fushatën në përpjekje për të siguruar sa më shumë vota.
Por nuk është vetëm Partia Demokratike e Kosovës e cila po përballet me përçarje te brendshme, zyrtarë të së cilës (Jakup Krasniqi e Fatmir Limaj) po bëjnë thirrje që të mos votohet subjekti të cilit i takojnë.
Burime të gazetës Express kanë bërë të ditur se Lideri i Vetëvendosjes është i pakënaqur me qasjen në fushatë që është duke bërë kandidati për Kryetar të Prishtinës Shpend Ahmeti.
Mirëpo ky nuk është zhvillimi i vetëm në brenda VV’së.
Nga ajo që mund të shihet nga prezantimet publike të këtij subjekti, është edhe mungesa e tij e Nënkryetarit të VV’së Glauk Konjufca në fushatë dhe deputetit nga radhët e VV’së Florin Krasniqi.
Pak para fillimit të fushatës, Krasniqi ishte parë në një takim me William Walker përkrah kandidates së AAK’së pët kryetare të Istogut Donika Kada-Bujupi.