Protestuesit kanë paralajmëruar se nëse Qeveria nuk merr vendim, protestën e radhës do ta mbajnë në kufi me Shqipërinë.
Me përjashtim të atyre të mbyllura, pishinat në Kosovë nuk po lejohen të punojnë.
E pronarët e pishinave nuk janë aspak dakord me këtë vendim.
Prandaj ata sot kane mbajtur një proteste, në sheshin “Skënderbeu” në Prishtinë, duke treguar se mirëmbajtja e tyre po u kushton e në anën tjetër nuk po mund të presin klientë.
Sipas tyre, vendimi i Qeverisë ka bërë që një pjesë e madhe e pishinave në vend të ndodhen në prag të falimentimit.
Paçarizi njoftoi se nëse ky vendim nuk anulohet, protesta e radhës do të jetë në kufirin me Shqipërinë.
Ata treguan se nga funksionimi i pishinave sigurohen të ardhurat për rreth 5 mijë persona, pasi një numër i madh i familjeve kanë të punësuar nëpër to./T7