12.2 C
Prizren
E premte, 14 Mars, 2025

Çeku: Prizreni ka nevojë për një “lidhje” të re qytetare

Hajrulla ÇekuDrejtori i OJQ-së “Ec Ma Ndryshe” në Prizren, Hajrulla Çeku vlerëson se Prizreni ka nevojë për një “lidhje” të re qytetare, që i bashkon të pakënaqurit rreth një platforme të ndryshimit, për të cilën ka nevojë më shumë se kurrë.

“Prizreni është i kapur nga struktura partiake, të cilat nuk krijojnë hapësirë për kuadro të reja politike, por kryesisht promovojnë figura të dëgjueshme dhe besnike ndaj linjës partiake”, ka thënë Çeku për Koha Ditore.

Sipas tij, gjithçka në Prizren, sillet rreth dy partive më të mëdha, të cilat janë shumë të mbyllura dhe të paafta për reformim.

“Mbi krejt këtë realitet, ka qëndruar gara e dy kandidatëve të konsumuar në balotazh, pa kurrfarë oferte konkrete për qeverisje dhe me të kaluar problematike. Kjo ka ndikuar në mungesën e atmosferës për ndryshim në qytet, duke e dekurajuar daljen në votime”.

Ai thotë se shoqëria nuk po arrin të prodhojë një masë kritike të alternativës, ose së paku të artikulimit të pakënaqësisë.

“Shoqëria civile, mediet, intelektualët dhe i gjithë spektri civil i qytetit janë mbyllur në oaza të ngushta veprimi dhe me vështirësi po gjejnë forma të organizuara të shprehjes së kritikës për një qeverisje më të mirë. Zgjimi në Prizren mund të ndodh vetëm atëherë kur këto grupe fillojnë të dalin nga zonat e tyre e komfortit, duke e parë interesin e përgjithshëm mbi atë të ngushtë e personal”./PrizrenPress.com/

 

Më Shumë

Tre gjyqtarë fillojnë angazhimin e tyre në Gjykatën Themelore në Prizren

Sot, tre gjyqtarë, Leutrim Krasniqi, Lavdim Makshana dhe Senat Elshani, kanë filluar angazhimin e tyre në Gjykatën Themelore në Prizren, pas përfundimit me sukses...

Arda Maloku thyen heshtjen, paraqet versionin e saj për incidentin me Fikrim Damkën

Deklaratat e kryetarit të KDTP-së dhe ministrit të MZHR-së, Fikrim Damka lidhur me incidentin më 9 shkurt në Prizren janë kundërshtuar nga njëra prej...

Lajmet e Fundit