Ministri i Forcës së Sigurisë së Kosovës (FSK-së) Agim Çeku, priti sot zotin Jonathan More, drejtor i Zyrës për Çështje të Evropës Qendrore dhe Jugore në Departamentin e Shtetit.
Ministri Çeku me këtë rast falënderoi angazhimin e SHBA-së për ndihmën në ngritjen e FSK-së në aspektin strategjik, përmes një bashkëpunimi shumë të dobishëm dhe intensiv. Ai po ashtu e informoi mysafirin nga SHBA-të me sukseset e arritura të FSK-së duke filluar nga plotësimi dhe njohja e Kapaciteteve të Plota Operacionale, bashkëpunimin e mirë me NATO-n, KFOR-in dhe pjesëmarrjen aktive të Kosovës në nismat rajonale të sigurisë. Po ashtu në këtë takim ai foli edhe për procesin e Rishikimit të Sektorit Strategjik të Sigurisë së Kosovës (RSSSK), duke vlerësuar se ky proces deri më tani është zhvilluar sipas dinamikës së paraparë dhe në drejtimin e duhur.
More nga ana e tij shprehu kënaqësinë për arritjet e deritashme të Ministrisë dhe FSK-së dhe konfirmoi gatishmërinë e SHBA-ve për vazhdimin dhe thellimin e bashkëpunimit të më ejmë, duke vlerësuar se FSK dhe Kosova janë një storie e mirë suksesi.