Kandidati i LDK-së për kryetar të Prizrenit, Anton Quni, ka dëgjuar ankesat e banorëve të fshatit Gjonaj dhe Romajë të Hasit.
Sipas tij, hasjanët janë lënë në mjerim infrastrukturor nga pushtetit i Prizrenit.
“Në fshatrat Gjonaj e Romajë, ankesat e qytetarëve nuk kishin fund. Rrugë të pashtruara, kanalizime të pandërtuara, mungesë trotuaresh, probleme me rrjetin elektrik, mungesë të ndriçimit publik, shtrati i porri i degraduar dhe punime në disa projekte të nisura e të lëna përgjysmë dhe realizim jashtë çdo standardi, përbëjnë mozaikun e përditshmërisë të banorëve të kësaj ane”, shkruan Quni Facebook.
“Hasjanët e mirë e punëtor nuk e kanë merituar që pushteti komunal ti lë në mjerim infrastrukturor”.
“Unë e kam vullnetin dhe dëshirën, dhe në ekipin tim i kam ekspertët më të mirë të infrastrukturës, me të cilët do ti plotësojmë kërkesat e banorëve të kësaj ane, duke i realizuar projektet infrastrukturore me standardet më të larta”./PrizrenPress.com/