Everton po synon të nënshkruajë me Armando Brojën nga Chelsea, pas largimit të sulmuesit kryesor të tyre, Richarlison.
20-vjeçari sezonin e fundit luajti i huazuar te Southampton, ku shënoi gjashtë gola në 32 paraqitje në Premier League.
Lojtari i përfaqësueses së Shqipërisë nënshkroi kontratë pesëvjeçare me Chelsea-n në fillim të sezonit të kaluar, para se të shkonte te “shenjtorët”.
Ndërkohë një sezon më herët ai e kishte kaluar në huazim te skuadra holandeze e Vitesse-s.
Broja do të jetë pjesë e Chelsea-t për fazën parasezonale. Trajneri, Thomas Tuchel ke vendour ta provojë shqiptarin. Nëse bind ai mund të qëndrojë te blutë.
Megjithatë, Everton po bën presion për nënshkrimin e Brojës, sipas mediave britanike. Frank Lampard e kërkon ta ketë nën urdhëra sulmuesin kuqezi.
Everton-i po përgatiet për të reformuar ekipin, pasi sezonin e fundit i shpëtoi rënies nga kategoria.
/Albanianpost.com