Dy persona janë arrestuar në fshatin Nashec të Prizrenit, pasi që në veturën e tyre policia ka gjetur drogë.
“Gjatë kontrollit trupore, të rinjve u janë gjetur dy pako me letra që shërbejnë për mbështjelljen e cigareve me substancë narkotike të llojit marihuanë, që njihen si rizlla. Po ashtu te njëri nga ta është gjetur edhe një sasi e narkotikëve, që dyshohet të jetë marihuanë”, njofton policia, shkruan Gazeta Sinjali.
Ata janë shoqëruar në stacion policor, ku me urdhër të prokurorit, ndaj tyre është iniciuar rasti ‘Posedim i paautorizuar i narkotikëve, substancave psikotrope ose analoge’.