Dasma e planifikuar mes Cristiano Ronaldos dhe Georgina Rodriguez raportohet se është shtyrë, pasi dyshja pati disa probleme në marrëdhënien e tyre.
Ronaldo kohët e fundit mori një Rolls Royce që mendohet të jetë me vlerë 350,000 euro nga Georgina si dhuratë për Krishtlindje, por nuk është gjithçka mirë siç shihet mes dyshes.
Ronaldo dihet se është i pasionuar pas makinave dhe dukej shumë i kënaqur me dhuratën, megjithatë mund të ketë probleme në prapaskenë, shkruan Marca, transmeton Klankosova.tv.
Siç është raportuar nga emisioni ‘Socialite’, influencuesja dhe futbollisti po përpiqen të sigurojnë që gjithçka të shfaqet mirë në kanalet e tyre në rrjetet sociale, por kjo nuk ndodh aspak me dyer të mbyllura.
Kjo i ka shtuar më shumë thashethemet se marrëdhënia e tyre ekziston vetëm sepse është e dobishme për karrierën dhe statusin e tyre si të famshëm, por ata gjithmonë e kanë mohuar se është kështu.
Zhgënjimi i fundit i lojtarit në Botërorin e Katarit me kombëtaren portugeze mund të ketë shkaktuar një krizë dhe dasma që ata kishin planifikuar është shtyrë, ka raportuar gazetari Gonzalo Vazquez.