14.8 C
Prizren
E premte, 2 Maj, 2025

Dita Ndërkombëtare e Punëtorëve – sërish pritet me protesta, marshe e aksione në Kosovë

Sot është Dita Ndërkombëtare e Punëtorëve në Kosovë

Rëndom, si vitet paraprake, edhe ky vit e gjen vendin me protesta e pakënaqësi nga punëtorët.

Sindikata e Bashkuar e Arsimit dhe Shkencës, proteston në shenjë pakënaqësie ndaj mësimdhënësve dhe punëtorëve të tjerë. Marshi nis nga Biblioteka Kombëtare për të vazhduar drejt Qeverisë.

Kjo protestë është paraparë të nisë në orën 10:30 dhe të zgjasë deri në orën 12:30.

Edhe Rinia Demokratike e Kosovës pritet të zhvillojë një aksion simbolik para Qeverisë së Kosovës në orën 10:00.

Gjithashtu, edhe Blloku Feminist Antikapitalist organizon marsh protestues për Ditën e Punëtorëve në orën 12:00.

Sindikatat, edhe në të kaluarën kanë kritikuar Qeverinë e Kosovës dhe Kuvendin e Kosovës, kryesisht për Ligjin për paga.

Ligji i Festave Zyrtare në Republikën e Kosovës përshinë njëmbëdhjetë festa zyrtare me dymbëdhjetë ditë pushim (dy ditë të Vitit të Ri, 1 dhe 2 janar).

Në mesin e këtyre festave, janë edhe: Dita e Kushtetutës së Republikës së Kosovës (9 prill); Dita e Punëtoreve (1 maj) dhe Dita e Evropës (9 maj).

Sot punëtorët dhe sindikatat e tyre në çdo vend të botës, protestojnë për të kërkuar të drejta dhe kushte më të mira pune.

1 Maji i parë lind në Paris në 1889-tën. Ideja u hodh gjatë Kongresit të Internacionales së dytë, të mbledhur në kryeqytetin francez. Objektivi i organizatës së krijuar nga hiri i organizatës së parë ishte ai i koordinimit të aktiviteteve të të gjitha partive kombëtare të lidhura me lëvizjen e punëtorëve. U vendos të realizohej një manifestim i madh për t’i kërkuar autoriteteve publike që të reduktonin ditën e punës në 8 orë.

Marketing

“Eli –Edona”, mobilieria me oferta më të mira në Prizren

Banesa në shitje nga Renelual Tahiri  

Më Shumë

Rrahje në Prizren – përfshihen dy qytetarë dhe një zyrtar policor

Një përleshje fizike ka ndodhur në orët e mesditës në Prizren, ku dy qytetarë dhe një zyrtar policor janë parë të përfshirë në një...

Vidhen tabelat sinjalizuese në tri zona kufitare me Shqipërinë

Policia e Kosovës ka raportuar tri raste të vjedhjes së tabelave sinjalizuese që shënojnë zonat kufitare për banorët lokalë. Persona të panjohur kanë vjedhur tabelat...

Lajmet e Fundit