Kryetari i Komunës së Prizrenit, Shaqir Totaj, me ftesë të Ministrisë së Jashtme Federale të Gjermanisë, mori pjesë në programin njëjavor të vizitorëve të Republikës Federale të Gjermanisë. Në këtë program, nga të gjitha shtetet e Ballkanit, Kosova u përfaqësua nga Komuna e Prizrenit dhe ajo e Therandës, duke diskutuar për forcimin e rolit të komunave.
“Edi Alumin” në Prizren shpall konkurs për mjeshtër të dyerve dhe dritareve të plastikës
Gjatë vizitës, pjesëmarrësit zhvilluan takime dhe vizita në lokacione specifike, duke shtjelluar strategjitë e nevojshme për përmbushjen e detyrave brenda Bashkimit Evropian.
Këto janë hapa të rëndësishëm drejt integrimit evropian dhe bashkëpunimit të thellë ndërkombëtar për Prizrenin dhe Kosovën në tërësi.
Gjatë qëndrimit në Berlin, Koln dhe Essen, delegacioni zhvilloi takime të rëndësishme në Ministrinë e Jashtme Gjermane, në Zyrën e Kancelarit, si dhe në Asociacionin e Qyteteve Gjermane dhe Evropiane.
Kompleksi ‘Newco Elan’ ofron banesa të ëndrrave tuaja në zemër të Prizrenit
Ndër të tjerë, ata bashkëbiseduan edhe me z. Henrike Viehrig, Zëvendës Komisioner Evropian; z. Andrea Zuber, shef i Departamentit të Drejtësisë, Financave dhe Tatimeve; dhe z. Jannis von Oy, Drejtor i Njësisë për Marrëdhënie Dypalëshe me Shtetet e Evropës Qendrore, Lindore, Juglindore, Kaukazin Jugor dhe Azinë Qendrore.
