Fushata për të ndihmuar Armend Hodajn, i cili po përballet me një sëmundje të rëndë, po shtrihet gjithnjë e më shumë në Prizren. Sot, vullnetarë të rinj, ishin të pranishëm në sheshin “Shatërvan” dhe te hyrja në “Abi Çarshia” për të mbështetur këtë nismë, përcjell PrizrenPress.
Kontributet e tyre janë të rëndësishme për të ndihmuar Armendin në vazhdimin e trajtimit të tij jetësor.
“Çdo ndihmë sado e vogël, është një ndihmë e madhe për Armendin”, apelojnë vullnetarët.
Ndryshe, Armend Brahim Hodaj (38 vjeç, baba i dy fëmijëve) nga fshati Gjonaj të Hasit, është diagnostikuar me Mixed connective tissue disease with severe pulmonary hypertension. Pas tetë muajsh trajtim në Kosovë, mjekët kanë rekomanduar vazhdimin e trajtimit jashtë vendit, pasi gjendja e tij është përkeqësuar.
Aktualisht, ai është transferuar në Institutin për Sëmundjet Pulmonare në Vojvodinë dhe ka nevojë për 200,000 euro për të vazhduar terapinë, një shumë që familja nuk mund ta përballojë.
Familja e Armendit bën thirrje për ndihmë nga të gjithë ata që mund të kontribuojnë.
Detajet për kontribut:
Emri i bankës: Raiffeisen Bank Kosovo
Emri i personit: Armend Hodaj
SWIFT CODE: RBKOXKPR
IBAN: XK051507001007306705EUR
Kontakt:
Brahim Hodaj (Baba): +38349622401
Donjeta Hodaj (Bashkëshortja): +38349207101
Përjetoni pushime të paharruar dhe dasma magjike në Hotel “Albes Residence”
