Policia në Prizren ka ndërmarrë një sërë kontrollesh të befasishme mëngjesin e sotëm, në kuadër të planit operativ “Siguria e nxënësve”. Ky aksion përfshiu një numër të madh zyrtarësh policorë, të cilët vendosën pika kontrolli në disa lokacione në qytet.
“Cak i kontrollit kanë qenë autobusët që bartin nxënës dhe në bazë të dyshimeve disa prej nxënësve janë kontrolluar”, thuhet në njoftimin e Policisë së Kosovës, përcjell PrizrenPress.
Kontrollet kishin për qëllim parandalimin e veprave penale dhe kërkimin e mjeteve të rrezikshme, armëve të ftohta dhe armëve të zjarrit.
“Gjatë këtyre kontrolleve, fatmirësisht nuk është gjet asgjë kundërligjshme”, thuhet në njoftim.
Policia ka theksuar se do të vazhdojë përpjekjet për të garantuar sigurinë në dhe përreth shkollave, duke siguruar mbrojtje të vazhdueshme për nxënësit dhe qytetarët./PrizrenPress.com/
Përjetoni pushime të paharruar dhe dasma magjike në Hotel “Albes Residence”
