9.9 C
Prizren
E premte, 4 Prill, 2025

Universiteti “Ukshin Hoti” dhe programi i USAID-it nisin partneritetin për edukim dhe praktika në drejtësinë komerciale

Universiteti “Ukshin Hoti” Prizren dhe programi i USAID-it Drejtësia Komerciale janë pajtuar për bashkëpunim në këtë fushë të drejtësisë.

Sipas njoftimit të Universitetit, ky memorandum i bashkëpunimit, formalizon një partneritet që synon avancimin e edukimit dhe praktikave ligjore në fushën e drejtësisë komerciale në Kosovë, raporton Telegrafi.

Memorandumi në fjalë është nënshkruar nga drejtori i Programit të USAID-it Drejtësia Komerciale, Christopher Thompson, Rektori i Universitetit, Mentor Alishani dhe Prodekani i Fakultetit Juridik të këtij universiteti, Halim Bajraktari.

“Ky bashkëpunim do të kontribuojë në zhvillimin e programeve arsimore, trajnimeve profesionale dhe aktiviteteve praktike për studentët e Fakultetit Juridik në Universitetin e Prizrenit”, thuhet në njoftimin e Universitetit “Ukshin Hoti”.

Memorandumi, sipas njoftimit, parasheh organizimin e punëtorive, trajnimeve dhe projekteve të përbashkëta “që do të ndihmojnë studentët të përfitojnë nga përvoja praktike dhe të avancojnë aftësitë e tyre profesionale në fushën e drejtësisë komerciale”.

“Me këtë marrëveshje, USAID dhe Universiteti i Prizrenit synojnë të fuqizojnë brezat e rinj të profesionistëve të drejtësisë dhe të mbështesin krijimin e një sistemi ligjor më të fuqishëm dhe transparent në Kosovë”, përfundon njoftimi. /Telegrafi/

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Më Shumë

Malisheva nderon tre qytetarët e zhdukur në masakrën e Kralanit: Kërkohet drejtësi për të pagjeturit

Sot në Malishevë u mbajt një mbledhje komemorative në nderim të Sabedin Kryeziut, Vehbi Halilajt dhe Mentor Kryeziut, tre qytetarëve të kësaj komune, të...

Suhareka me fitore të rëndësishme në luftën për mbijetesë, mposht Malishevë

Suhareka ka arritur një fitore jetike në përballjen ndaj Malishevës, duke triumfuar me rezultat 2:1. Kjo fitore mban gjallë shpresat e skuadrës për mbijetesë...

Lajmet e Fundit