Spektakël në Superligë: Derbi i fundjavës sjell Yllin përballë Trepçës

Fundjava pritet të sjellë super ndeshje në elitën e basketbollit, ku zhvillohet xhiroja e nëntë e ProCredit Superligës.

Dueli i parë dhe derbi i kësaj xhiro zhvillohet ndërmjet Golden Eagle Yllit dhe Trepçës, apo finalistëve të “Play-off”-it të edicionit të kaluar, ku ‘Xehetarët’ kishin fituar 3:2 në serinë finale. Therandasit kanë pesë fitore e tri humbje, ndërsa mitrovicasit gjashtë fitore e dy humbje, andaj pritet një takim mjaft interesant. Në duelin e parë të këtij edicioni fituan mitrovicasit 77:67.

Përballje mjaft interesante shihet ajo ndërmjet Vëllaznimit dhe Bashkimit. Kuqezinjtë kanë tri fitore e pesë humbje, ndërsa prizrenasit shtatë fitore e një humbje. Humbjen e vetme e pësuan nga Trepça, fundjavën e kaluar. Sfidën e parë e fituan prizrenasit 72:51.

Të dielën do të zhvillohet takimi ndërmjet Proton Cable Prizrenit dhe Pejës. Prizrenasit kanë dy fitore e gjashtë humbje, ndërsa pejanët tri fitore e pesë humbje, andaj është një ndeshje shumë e rëndësishme për të dy skuadrat.

Ndeshja Bora-Sigal Prishtina është shtyrë me kërkesë të Sigal Prishtinës.

ProCredit Superliga – Java 9

E shtunë

17:00 Golden Eagle Ylli – Trepça

19:00 Vëllaznimi – Bashkimi

E diel

19:00 Proton Cable Prizreni – Peja

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri