Ka përfunduar e qetë protesta e Sindikatës së Arsimit, Shkencës, Kulturës me kërkesë për rritje të pagave dhe nënshkrimin e kontratës kolektive, raporton Ekonomia Online.
Në fjalimin e tij para Kuvendit të Kosovës, kryetari i Sindikatës së Bashkuar të Arsimit, Shkencës dhe Kulturës (SBASHK), Rrahman Jasharaj, ka thënë se Qeveria Kurti dhe ministrja e Arsimit, Arbërie Nagavci, kanë qëndrim armiqësor ndaj SBASHK-ut dhe sindikatave.
“Qeveria Kurti dhe në këtë rast ministrja Nagavci kanë vazhduar me qasje të gabuar dhe me qëndrimin deri armiqësor ndaj SBASHK-ut dhe sindikatave. U munduan ta shuajnë SBASHK-un që të heshtin zërin e punëtorëve arsimorë dhe të mos dëgjohen kërkesat e tyre legjitime, por SBASHK-u nuk shuhet dot sepse është unitet i kalitur nëpër vite e dekada, bazuar në respektin dhe besimin e anëtarësisë ndaj udhëheqësve e veprimtarëve sindikalë”, ka thënë Jasharaj.
Tutje, Jasharaj ka deklaruar se ministrja e Arsimit, Arbërie Nagavci “as edhe njëherë nuk u bë zëri i punëtorëve në arsim dhe asnjëherë nuk foli në Qeveri e nuk kërkoi të debatohej për kërkesat legjitime të punëtorëve të arsimit”.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
