Një vjedhje e rëndë ka ndodhur mbrëmjen e së premtes në fshatin Marali të komunës së Malishevës, ku persona të panjohur kanë depërtuar në një shtëpi private dhe kanë grabitur një shumë të konsiderueshme parash dhe ar.
Ngjarja ka ndodhur rreth orës 22:50 më 27 qershor, në momentin kur familja nuk ndodhej në banesë.
Hajnat dyshohet se kanë shfrytëzuar mungesën e tyre për të hyrë me forcë në shtëpinë e shtetasit H.V., duke thyer një dritare në katin përdhes dhe më pas duke kaluar në katin e dytë, ku kanë arritur të marrin rreth 25 mijë euro para të gatshme, si dhe një sasi të konsiderueshme ari, vlera e të cilit ende nuk është përcaktuar.
Sipas burimeve nga terreni, familjarët e H.V. ishin duke qëndruar tek vëllai i tij në momentin e ngjarjes, çka besohet se ka lehtësuar lëvizjen e grabitësve brenda objektit.
Menjëherë pas denoncimit të rastit, Policia e Kosovës dhe njësitet hetimore kanë dalë në vendin e ngjarjes, ndërsa është njoftuar edhe prokurori kujdestar i cili ka urdhëruar nisjen e hetimeve për veprën penale “Vjedhje e rëndë”.
Aktualisht, nuk raportohet për ndonjë person të arrestuar apo të dyshuar, ndërsa hetimet po vazhdojnë nga Drejtoria Rajonale e Policisë në Gjakovë./Sinjali
Marketing
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
