As përpjekja e 45 nuk solli ndryshim kur bëhet fjalë për konstituimin e legjislaturës së nëntë të Kuvendit të Kosovës. Vetëm 49 deputetë i kanë dhënë votë ‘për’ Komisionit për Votim të Fshehtë, vota këto të pamjaftueshme që të zhbllokohet procesi. Seanca u ndërpre, e deputetët do t’i kthehen sallës plenare sërish pas 48 orësh, të dielën e 13 korrikut në ora 11:00.
Banesat më të kërkuara në Prizren – Bëhu pronar në Foleja Residence!
Me një minutë heshtje në kujtim të masakrës së Srebrenicës ka nisur përpjekja e 45 për konstituimin e Kuvendit të Kosovës këtë të premte. “Me 11 korrik të vitit 1995 në Srebrenicë të Bosnjës janë masakruar dhe janë vrarë mbi 8 mijë boshnjakë. Kjo masakër, ky gjenocid përkujtohet në gjithë botën demokratike, zyrtarisht përkujtohet edhe në Republikën tonë”, tha kryesuesi i seancës Avni Dehari, derisa ftoi deputetët për 1 minutë heshtje. Pas përkujtimit për viktimat e Srebrenicës, ai vazhdoi me seancën, duke i ftuar partitë politike për të dhënë propozimet e tyre për Komisionin për Votim të Fshehtë, përmes së cilit synohet zgjedhja e kryeparlamentarit.
Abelard Tahiri i PDK-së tha se është hera e 45-të që kryesuesi po shkelë Kushtetutën. “Kjo është e papranueshme”, tha ai derisa iu ndal fjala nga kryesuesi Dehari. Pas tij në foltore doli edhe deputeti i LDK-së, Ekrem Hyseni. “Unë propozoj që ju të ktheheni në rendin e ditës e ta respektoni Gjykatën Kushtetuese, kthehuni në procedurë”, dhe njëjtë me kërkesë të kryesuesit fjala iu ndërpre edhe atij.
Edhe Time Kadrijaj nuk pati mundësi të fliste shumë. “Po e shohim që ka një bllokadë të qëllimshme”, kaq ishte fjala e deputetes së AAK-së që u dëgjua nga foltorja, meqë me kërkesë të kryesuesit edhe asaj iu ndërpre fjala. Kur radha i erdhi votimit, për komisionin që ka ardhur si propozim i kryesuesit, vetëm 49 vota ishin për, asnjë kundër dhe asnjë abstenim.
Seanca u ndërpre, e deputetët do t’i kthehen sallës plenare sërish pas 48 orësh, të dielën e 13 korrikut në ora 11:00.
Marketing
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
