Kryetari i Degës së LDK-së në Prizren dhe njëkohësisht kandidat për kryetar të Komunës, Driton Selmanaj, ka prezantuar sot aderimin e Arianit Nushit në radhët e Lidhjes Demokratike të Kosovës.
Aderimi i Nushit vjen si pjesë e angazhimeve të vazhdueshme të Selmanajt për zgjerimin dhe fuqizimin e kapaciteteve profesionale brenda partisë në prag të zgjedhjeve lokale.
Banesat më të kërkuara në Prizren – Bëhu pronar në Foleja Residence!
Selmanaj e përshkruan Nushin si një profesionist të përgatitur dhe menaxher të suksesshëm, me përvojë të gjerë në sektorin privat dhe atë ndërkombëtar.
“Me kënaqësi të veçantë mirëpresim në LDK Arianit Nushin – një emër i respektuar në fushën e menaxhimit dhe një kontribuues i çmuar në zhvillimin e shumë bizneseve dhe organizatave”, shkruan Selmanaj në Facebook.
Arianit Nushi ka qenë koordinator në Raiffeisen Bank dhe ka mbajtur pozita menaxheriale në kompani të njohura si IPKO, Neptun dhe Trion Invest.
Ai ka bashkëpunuar gjithashtu me organizata ndërkombëtare të rëndësishme si OSCE, Komiteti Amerikan për Refugjatë, IOM, ndër të tjera. Me një formim akademik në menaxhment dhe informatikë, Nushi përfaqëson një profil profesional që përputhet me vizionin e LDK-së për një qeverisje moderne dhe efektive.
“Angazhimi i Arianit Nushit në LDK është dëshmi e rritjes së vazhdueshme të kapaciteteve profesionale dhe intelektuale brenda partisë. Ne besojmë në një Prizren që udhëhiqet nga njerëz me integritet, përvojë dhe ide për zhvillim afatgjatë”.
“LDK në Prizren synon të forcojë më tej ekipin e saj drejt garës për udhëheqjen e komunës, duke promovuar vlera të punës së ndershme, përkushtimit qytetar dhe zhvillimit demokratik”.
Marketing
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
