Në kuadër të aktiviteteve për shënimin e Ditës së Çlirimit të Komunës së Dragashit, këtë vit u rikthye pas shumë vitesh një nga traditat më të dashura të Opojës – garat e pehlivanëve, të organizuara së bashku me garat tradicionale të kuajve.
Në këtë manifestim të veçantë mori pjesë kryetari i Komunës së Dragashit, Bexhet Xheladini, së bashku me kryesuesin e Kuvendit dhe pjesëtarë të kabinetit. Ngjarja mblodhi në Mejdan të Opojës qindra qytetarë, sportdashës dhe mysafirë, duke sjellë emocione, garë të ndershme dhe atmosferë festive.
“Garat e vrapimit të kuajve dhe duelet e pehlivanëve janë pjesë e identitetit dhe traditës sonë shumëvjeçare, të cilat meritojnë të ruhen dhe t’u përcillen brezave të rinj. Rikthimi i tyre është dëshmi e përkushtimit të Komunës së Dragashit për të mbështetur aktivitetet që forcojnë lidhjen me historinë, kulturën dhe traditat e vendit tonë”, theksohet në njoftim.
Xheladini ka falënderuar organizatorët, garuesit dhe të gjithë pjesëmarrësit për kontributin e tyre në suksesin e këtij manifestimi tradicional, i cili riktheu një nga ngjarjet më të dashura të trashëgimisë kulturore të Opojës./PrizrenPress.com/
Marketing
Realizoni projektet tuaja me BiCredit, partneri juaj i besueshëm financiar në Prizren!
https://prizrenpress.com/428407-2j/
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
Hapësira me qira në objektet e reja te ‘RENELUAL TAHIRI’ në Prizren
