Gjykata Themelore në Prizrenit ka caktuar një muaj paraburgim për Enes Xhema dhe Hysni Kryeziu nga Prizreni. Ata dyshohen për kryerjen e vepres penale të përdorimit të armës, lëndim të rëndë trupor, shkaktim të rrezikut të përgjithshëm, asgjësimi apo dëmtimi i pasurisë.
“Të pandehurve, ju caktohet paraburgimi në kohëzgjatje prej 1(një) muaji, i cili do të llogaritet prej kohës së arrestimit, data 18.08.2014 në ora 10:00, dhe do të zgjasë deri me datën 17.09.2014”, njoftoj zëdhënësja e Gjykatës në Prizren, Afërdita Kicaj.
“Të pandehurit me qëllim të frikësimit dhe kërcënimit kanë përdorur armën e zjarrit, në vende ku frekuentojnë njerëz gjatë natës, duke shtënë pranë restorantit ,,Paradisa,, ndaj të dëmtuarëve B.SH. dhe J.K. duke shtënë me armë në drejtim të tyre, e cila godet veturën pronë e të dëmtuarit J.K. për shkak të mosmarrëveshjeve që kanë pasur rreth një femre. Si rezultat i mosmarrëveshjes, i kanë shkaktuar lëndime të rënda trupore, duke i grushtuar të dëmtuarit B.SH dhe S.SH. si dhe duke marrë parasysh se Enes Xhema është recidivist i kryerjes së veprave penale të kësaj natyre”. /PrizrenPress.com/