Shqipëria përkujtoi para pak ditësh 30- vjetorin e vizitës së ish- kancelarit të landit bavarez, Franc- Jozef Shtraus.
I ftuar nderi në këtë ceremoni ishte djali i ish- kancelarit, juristi Maks Shtraus.
Në një shkrim të gjatë për Huffington Post Deutschland, gazetarja Renate Flottau hedh dritë edhe mbi një konflikt mes Maks Shtruas dhe ish- kryeministrit Sali Berisha.
Gazetarja thotë se në hotel patën një takim me një delegacion të nivelit C të PD, çka zemëroi pak Shtrausin.
“Së paku ishte shpresuar në praninë e ish- kryeministrit Sali Berisha, i cili pas dorëheqjes si kryetar partie, vazhdon që të jetë luftarak në Kuvend.
Por nëse i beson gazetës Gazeta Shqiptare, kjo ftohje e ish- kryeministrit ka edhe të tjera arsye: në vitin 2006, Maks Shtraus kishte negociuar në Shqipëri në emër të një kompanie britanike konsulence Berberi& Strauss për të investuar në fushën e hidrocentraleve.
Sipas GSH, Berisha mesa duket pengoi investimin e rëndë prej 200 milionë sterlina.
Pretendohet se Shtraus kishte refuzuar që në këmbim të ndërmjetësonte një vizitë të kancelares Angela Merkel në Shqipëri- që shihej si një shpresë nga Berisha për të shtuar shanset për të fituar zgjedhjet e ardhshme.
Por një i besuar i Shtraus thotë se pas dështimit qëndrojnë ministrat e korruptuar shqiptarë, që i zgjasin ca si shumë duart.
Shtraus nga ana e tij thotë se “shqiptarët nuk kishin një koncept të qëndrueshëm për çështjen e përdorimit të ujit”.
Juristi vuan akoma nga skandalet e shumta që e përndjekin atë në Gjermani që nga viti 1995 dhe që e çuan atë në një depresion të rëndë në vitin 2003, për të cilin pati nevojë për trajtim. Ai hoqi dorë në mënyrë vullnetare nga avokatia. Në vitin 2004 u dënua me gjobë prej 300 mijë euro për inkurajim të mashtrimit,” shkruan Flottau.