Në prag të ndeshjes ndaj Salernitanës, trajneri i Juventusit, Allegri foli në konferencë për mediat. Strategu livornez përsëriti idenë e tij se ekipi duhet të fitojë dhe jo të luajë bukur.
“Ndaj PSG-së shohim anën pozitive që filluam të reagonim pasi pësuam golin e dytë. Ata janë një ekip shumë i fortë, por ne mundeshim të bënim diçka më shumë.
Unë jam i zemëruar sepse nuk dua një Juventus të bukur, por një Juventus që di të fitojë. Rezultati ka shumë rëndësi, dhe vetëm ai, nuk na duhet loja e bukur nëse nuk arrijmë të marrim pikë.
Duhet të përballemi ndaj çdo ekipi me seriozitetin e duhur, duhet vetëm të fitojmë, nuk më intereson loja e bukur”, tha Allegri.