13.9 C
Prizren
E premte, 19 Shtator, 2025

Arbër Rexhaj dhe Arben Gashi janë dy deputetët që nisën përplasjen në Kuvend

Një përplasje fizike mes deputetëve ka ndodhur sot në Kuvendin e Kosovës, pas debatit për të pagjeturit, raporton Express.

Siç merr vesh Express, përplasja fillimisht ka nisur mes Shefit të Grupit Paralamentar të LDK’së, Arben Gashit dhe deputetit të VV’së, Arbër Rexhën.

Më pas në këtë përplasje, janë përfshirë edhe deputetët e tjerë, nga të dy partitë.

Për këtë incident, është deklaruar edhe deputeti i Lëvizjes Vetëvendosje, Hekuran Murati.

Murati tha për Express se nuk ka pasur përplasje fizike.

“Nuk ka ka pasur përplasje vetëm ndërhyra me i nda. Nuk pati përplasje ndërhyra për me i qetësua. Nuk ka pasur asnjë sulm fizik”, ka deklaruar Murati.

Murati tha se deputetët e LDK’së e kanë penguar deputeten e VV’së të flasë.

“Ka qenë një situatë e tensionuar ku deputetët e LDK-së kanë tentuar mos ta lejojnë të flasë deputeten Saranda Bogujevci”, ka thënë Murati.

Ndërkohë, seanca e Kuvendit të Kosovës është ndërprerë pasi deputetët janë shtyrë edhe fizikisht mes vete./Gazeta Express

Më Shumë

Sekuestrohen armë dhe një sasi e municionit në Prizren

Policia e Kosovës ka sekuestruar disa armë dhe municion gjatë një aksioni të zhvilluar në Prizren, pas një rasti të shtënave me armë zjarri...

Komuna e Malishevës përkujton njëvjetorin e ndarjes nga jeta të Hajdin Berishës

Në njëvjetorin e ndarjes nga jeta të ish-nënkryetarit të Komunës së Malishevës, ish-drejtorit të Shëndetësisë dhe Mirëqenies Sociale, ushtarit dhe invalidit të Ushtrisë Çlirimtare...

Lajmet e Fundit