24.8 C
Prizren
E shtunë, 25 Maj, 2024

Bashkimi triumfon kundër Ponte Prizrenit

Në një sfidë shumë interesante, Bashkimi ka mundur Ponte Prizrenin me shifrat 73:77 (21:16, 18:17, 20:20, 14:24).

Takimi që u zhvillua në Rahovec ishte në kuadër të javës së 24-t të Prince Caffe Superligës.

Ndeshjen më mirë e nisi Ponte Prizreni që kishte deri në shtatë pikë epërsi, ndërsa çerekun e parë e fituan 21:16.

Periudha e dytë ishte më e barabartë, me Bashkimin që afrohej në rezultat dhe Ponte Prizrenin që shkëputej, ndërsa pjesa e parë përfundon 39:33.

Prizreni epërsinë më të lartë e kishte 12 pikë, 57:45, por basketbollistët e Bashkimit sërish u rikthyen, ku rezultati pas 30 minutash ishte 59:53.

Pesë minuta nga fundi, Ponte Prizreni po fitonte 71:61, megjithatë, asgjë nuk kishte përfunduar. Portokallezinjtë me një seri të jashtëzakonshme përmbysin rezultatin dhe triumfojnë 73:77.

Më i miri i Ponte Prizrenit ishte Urim Zenelaj me dhjetë pikë e dhjetë kërcime, kurse i Bashkimit ishte Daniel Lekndreaj me 21 pikë, 14 kërcime e pesë asistime.

Ponte Prizreni numëron shtatë fitore e 17 humbje, ndërsa Bashkimi ka 11 fitore e 13.

Më Shumë

Mbi 2 mijë gjoba të shqiptuara për 24 orë në Kosovë

Në 24 orët e fundit në Kosovë, policia ka shqiptar gjithsej 2146 gjoba trafiku.Kështu bëhet e ditur nga raporti i policisë. Ndërkaq në raportin 24...

Tentoi t’u jap ryshfet zyrtarëve policorë, arrestohet serbi në Vërmicë

Është arrestuar një serb në Vërmicë, i cili dyshohet se gjatë kalimit në kufirin e Kosovë, ka tentuar të jap ryshfet ndaj zyrtarëve policorë. Me...

Lajmet e Fundit