Ministri i Kulturës, Rinisë dhe Sportit, Hajrulla Çeku, ka njoftuar se Teatri i Qytetit të Prizrenit po kalon një fazë të rëndësishme të renovimit.
“Pas një periudhe të gjatë në renovim, ky teatër po merr mbështetjen e nevojshme financiare për të përfunduar punimet sa më shpejt. Kjo do të lejojë aktorët të kthehen në ndërtesën e tyre dhe të vazhdojnë me shfaqjet e tyre të radhës”, shkruan Çeku .
Në memorandumin që u nënshkrua sot me Komunën e Prizrenit, parashihen gjithashtu projekte të tjera për restaurimin dhe funksionalizimin e aseteve kulturore dhe historike.
“Në memorandumin që u nënshkrua me Komunën e Prizrenit, parashihen po ashtu shtëpia e Musa Shehzades, Lokaliteti Arkeologjik në sheshin Adem Jashari, konsullata Austro-Hungareze, kinemaja e parë dhe muzeu i “Nënë Terezës”.”
“Restaurim e funksionalizim që asetet të ruhen dhe të kenë funksione kulturore dhe publike”./PrizrenPress.com/
