Panairi i Artizanateve, i mbështetur nga Bashkimi Evropian, solli së bashku bizneset dhe organizatat joqeveritare të Komunës së Prizrenit dhe ato të Tetovës për të promovuar bashkëpunimin dhe zhvillimin e përbashkët turistik.
Drejtori i Turizmit dhe Zhvillimit Ekonomik, Ramadan Tarashaj, i shoqëruar nga zyrtarë të kësaj drejtorie, morën pjesë sot në Panairin e Artizanateve, që u mbajt në Tetovë.
Ky aktivitet u realizua në kuadër të projektit “Ringjallja e Zejeve dhe Ndërtimi i Kulturës për Zhvillimin e Përbashkët Turistik”, i mbështetur nga Bashkimi Evropian.
Në këtë panair, bizneset dhe organizatat joqeveritare nga Komuna e Prizrenit morën pjesë me produkte të ndryshme artizanale dhe krijuan mundësi bashkëpunimi me bizneset lokale të Tetovës.
Ky projekt ka për qëllim nxitjen e zhvillimit të përbashkët turistik dhe ruajtjen e traditave të pasura kulturore dhe artisanale të rajonit.
Pjesëmarrësit në panair patën mundësinë të shkëmbejnë përvoja dhe ide për zhvillimin e biznesit dhe të kontribuojnë në forcimin e lidhjeve ndërmjet dy komunave, si dhe të promovojnë mundësitë për rritjen e turizmit dhe zhvillimin e sektorit artizanal.
Marketing
Përjetoni pushime të paharruar dhe dasma magjike në Hotel “Albes Residence”
