Fakulteti i Edukimit në vitin e ri akademik 2014-15, do të ketë edhe tetë drejtime të reja të nivelit master. Drejtimet e reja të masterit janë programet e nivelit bachelor, të cilat janë shuar gjatë periudhës së reformimit të këtij Fakulteti.
E këto janë: Programi Gjuhë dhe Letërsi Shqipe; Programi Histori – Edukatë Qytetare; Programi Fizikë – Kimi; Programi Biologji – Kimi; Programi Matematikë – Informatikë; Programi Teknologji – Informatikë; Programi Gjeografi – Edukatë Qytetare dhe Program Gjuhë dhe Letërsi Angleze.
Zeqir Veselaj, prodekan për çështje mësimore, ka thënë se këto programe do ta kenë një komponentë të mësimdhënies së lëndëve akademike.
“Dhe në këtë komponentë do të duhej edhe një numër i vogël i stafit me të kaluar, me përgatitje akademike. Por, kryesisht në Fakultetin e Edukimit do të jetë barra pedagogjike e përgatitjes së mësimdhënësve, të cilët ne i kemi tashme në resurset që i kemi pasur. Edhe ato që kanë ardhur nga Departamenti i Pedagogjisë nga Fakulteti Filozofik”, ka thënë Veselaj..