Isa Mustafa duket se do ta këtë të vështirë që ti siguroj Hashim Thaçit votat e mjaftueshme për tu bërë president i vendit ashtu sikur parasheh marrëveshja e koalicionit qeveritarë mes dy partive. Thaçi në anën tjetër, tashmë e ka saktësuar se nuk do të hyjë sikur në një provë në votim në Kuvend nëse votimit i tij nuk do të ishte i garantuar.
Shenjat e para të mosbesimit ndërmjet partnerëve të koalicionit, tashmë janë duke qarkulluar.
Shqetësimet se koalicioni LDK dhe PDK nuk i ka punë fort mirë, i ngriti në të besueshme vet kryeministri Isa Mustafa, i cili sot deklaroi se LDK- ja do ta voton Hashim Thaçin për President.
Arsyeja e reagimit të Mustafës duket të jetë e qartë: PDK dyshon ose frikësohet se në këtë moment janë të paktën 15 deputet të LDK-së të cilët nuk do të ngritin dorën për zgjedhjen e Thaçit. Të mos harrojmë 9 deputet të LDK-së madje nuk e patën votuar as Isa Mustafën për kryeministër në shenjë pakënaqësie me koalicionin e arritur. Ky numër me kalimin e kohës mund të rritet edhe më tutje meqenëse votimi është i fshehtë dhe kjo mund të vështirësoj edhe më shumë përzgjedhjen e Thaçit në krye të shtetit. Për më tepër koalicioni që dy partitë shqiptare ka me Listën Serbe, nuk parasheh askund dhe në asnjërin pikë obligimin për votimin e presidentit të ri. Thaçi, tashmë sipas burimeve të Gazeta Blic, ka filluar të përmend tek ndërkombëtarët se nuk ka interesim për të qenë president i vendit.
Pikë tjetër e mosbesimit dhe pakënaqësisë mes dy partnereve duket të jenë edhe disa veprime të fundit të ministrave të LDK-së. Sipas këtyre burimeve në PDK, nuk janë aspak të kënaqur me një seri “pastrimesh” nga ana e ministrave të LDK-së, e më së shumti me ato në Ministrinë e Kulturës dhe Sportit.
Me një vendim krejt të papritur dhe juridikisht të dyshimtë dje u shkarkua nga posti i drejtori i Teatrit Kombëtarë, që atje ishte emëruar nga PDK-ja dhe që nëpër media ishte shkruar të jetë edhe mik i Kadri Veselit.
PDK i sheh këto pastrime si pjesë të fushatës së brendshme zgjedhore në LDK-së, ministrat e së cilës po bëjnë luftë me të për të rritur fuqinë e tyre brenda partisë.
Kjo punë është shqetësim i madh edhe për faktin se njëra nga arsyet që kanë dërguar drejt krijimit të një koalicioni mes PDK-së dhe LDK-së, ka qenë edhe ruajtja e interesave dhe pozitave shtetërore të partisë më të madhe.
Në këtë frymë, PDK u detyrua të ja ofroj LDK-së postin e Kryeministrit dhe ndarjen e barabartë të posteve qeveritare- ndonëse ajo doli e dyta nga zgjedhjet.
Vendi kështu mund të hyj në një krizë të re qeveritare!/Gazeta Blic/