17.8 C
Prizren
E premte, 30 Shtator, 2022

Kizolli: Kur të tjerët për pushtet e kanë shitur Prizrenin, ne për këtë qytet e kemi lënë pushtetin

kizolli konferencPartia Konservatore e Kosovës aktivitetin zgjedhor e ka vazhduar në lagjen “Terzimahallë”, ”Hoqamahallës dhe në “Tusus”. Para një prezence të madhe dhe të një interesimi të shtuar të banorëve të këtyre lagjeve, kryetari i partisë Munir Basha tha se ka ardhur koha për të menduar mirë se për cilin subjekt politik do të votoni. “ Prizreni gjatë këtyre viteve të fundit është udhëhequr nga njerëz të cilët nuk kanë ditur të menaxhojnë Prizrenin në mënyrë të drejtë dhe të suksesshme. Vota e Juaj dhe menaxhimi i komunës sonë duhet t’u besohet Partisë Konservatore të Kosovës, sepse ne kemi një listë me persona të ndershëm dhe të aftë që e duan Prizrenin, zhvillimin e tij dhe mirëqenien e qytetarit”, tha Basha.

Me duartrokitje të gjata në një ambient madhështor u prit edhe kandidati i PK-së për kryetar të Prizrenit Beni Kizolli. Ai tha se me pjesëmarrjen e tyre banorët e ”Terzimahallës”, “Hoqamahallës” dhe “Tususit” po e dëshmojnë se e kanë kuptuar rëndësinë e zgjedhjeve, dhe ndryshimet që duhet të ndodhin.

Kizolli në këto takime ka folur edhe për problemet nëpër lagje ku sipas tij Partia Konservatore ka një plan konkret në këtë drejtim e ai është themelimi i këshillave nëpër lagje të cilët do të merren me kërkesat e banorëve dhe do t`i shqyrtojnë pranë drejtorisë përkatëse për tu marrë më tutje me kërkesat e parashtruara. Kizolli ka akuzuar edhe partitë që janë në pushtet. “Ata për pushtet e shesin edhe Prizrenin, kurse ne për Prizrenin e kemi lënë pushtetin”, tha Kizolli

Në këtë takim u diskutua edhe për rolin e gruas në shoqëri, ku kandidatja për kuvend komunal nga lista e PK-së, Bedrie Baxhaku Berisha tha se do të punojnë shumë me plane konkrete edhe në këtë drejtim pasi që gruaja është shtylla e familjes dhe e meriton një vlerësim më të lartë dhe një pozitë më të avancuar në shoqëri.

Në këtë takim u bë edhe prezantimi i kandidatëve për Kuvend të Prizrenit, si: Shaban Basha, Nderim Pasuli, Bedrije Baxhaku Berisha,Tarkan Koro, Fati Kroqi, Bukurije Spahiu, Agjire Tahiri, Edona Berisha, Adelina Tahiri dhe Ferda Salla./PrizrenPress.com/

 

 

Më Shumë

Gold AG publikon bashkëpunimin me Shyhrete Behlulin “Ah Kosovë”

Reperi i njohur nga Presheva, Gold AG ka ardhur me një tjetër projekt të ri muzikor. Arian Agushi(emri i plotë) ka bashkuar edhe një herë...

Duda Balje ‘rroket’ me kryeministrin Kurti në një takim për ditën e boshnjakëve: Nuk keni informata

Deputetja e komunitetit boshnjak, Duda Balje, edhe sot ka shprehur pakënaqësi në mënyrë indirekte në raportet e saj me Kurtin. Në një takim me kryeministrin...

Lajmet e Fundit