Kryetari Arif Bütüç , ka emëruar nënkryetarin e parë dhe drejtorët e rinj të Ekzekutivit të Mamushës. Bütüç pas dhënies së betimit ka ndërmarrë hapa për krijimin e ekipit të ri të Ekzekutivit.
Nënkryetar parë i Komunës është emëruar Ilyas Bayraktar. Ndërsa, drejtorët e përzgjedhur nga kryetari Bütüç janë:Cafer Morina, drejtor i Arsimit, Kulturës, Rinisë dhe Sporteve,Agim Morina, drejtor i Shërbimeve Publike, Rujdi Kryezi, drejtor i Drejtorisë së Shëndetësisë, Yalçin Mazrek, drejtor i Urbanizmit, Planifikimit Hapësinor dhe Gjeodezisë e Kadastrës, Reshat Mazrek, drejtori i Administratës së Përgjithshme, dhe Skender Shala, drejtor i Ekonomisë dhe Financave.
Ekzekutivi i Komunës së Mamushës është monitoruar nga Organizata Joqeveritare “Ec Ma Ndryshe”. Monitoruesja Elmedina Baxhaku tha se Projekti i “ EC Ma Ndryshe” për monitorimin e transparencës së Ekzekutivit do të vazhdojë të publikojë të gjeturat e monitorimit përmes komunikatave të rregullta dhe përmes ueb-faqes së projektit, ku të gjeturat postohen drejtpërdrejtë nga monitoruesit. /PrizrenPress.com/