Konflikti për shkak të pronës mes familjes Berisha dhe asaj Abdylagaj nga Prizreni, duket të ketë nisur që në vitin 2000.
Familja Abdylagaj kanë rrëfyer vrasjen e familjarit të tyre për Klan Kosovën. Dy familjet, ia hedhin fajin njëra tjetrës.
Ndërkaq për një fqinj të të dy familjeve, fajin kryesor e ka shteti.
Ai ka thënë se shteti është dashur të marrë masa për shkak të uzurpimit të pronës.
Incidentin e së dielës, e kanë komentuar edhe mjekët, të cilëve u është dashur shumë përforcime sepse kanë realizuar katër ndërhyrje kirurgjike.
Zëdhënësi i Policisë, Hazir Berisha, ka thënë se për këtë rast janë mbajtur 13 persona e po kërkohen edhe 13 të tjerë.